«Кар патшабикәсе патшалыгында маҗаралар» дигән темага чара үтте

«Якты коңгыз» балалар бакчасы педагоглары «ЭКОЯЗ 2022» конкурсы кысаларында план чараларын тормышка ашыралар. Мәктәпкә әзерлек «А» төркемендә «Кар патшабикәсе патшалыгында маҗаралар» дигән темага чара үткәрелде. Балалар Кар патшабикәсе патшалыгында сәяхәттә булдылар. Язбикәне иреккә чыгару өчен балалар төрле кызыклы биремнәр үтәделәр: мнемотаблицалар кулланып табышмаклар чиштеләр, хикәя төзеделәр, кышлаучы һәм күчмә кошларны төркемнәргә аердылар. Кошлар исемен кулланып җөмләләр төзеделәр һ.б. Чара мультимедия презентациясе кулланып уен формасында үткәрелде һәм алган белемнәрен ныгыту, тормышта куллануга юнәлтелде.