«Үсентеләр үстерәбез»

Санитар-экологик икеайлык кысаларында Чыбыклы төп гомуми белем бирү мәктәбе укучылары һәм «Салават күпере» балалар бакчасында тәрбияләнүчеләр өйләрендә томат, борыч һәм чәчәк үсентеләрен үстерәләр. Әти-әниләренә үсентеләрне аерып утыртуда, шулай ук үсемлекләрне карауда булышалар: су сибәләр, җир йомшарталар, тукландыралар. Укучылар һәм балалар бакчасында тәрбияләнүчеләр мондый эш төрен бик теләп башкаралар. Шул ук вакытта алар җаваплы булырга, үсемлекләргә сакчыл карарга һәм аларны дөрес тәрбияләргә өйрәнәләр.