ЯҢАЛЫКЛАР

16 октябрь көнне " Энергетик» мәдәният сараенда булачак солдатлар, аларның әти-әниләре һәм якыннары, шулай ук сугыш хәрәкәтләре ветераннары җыелды. Беренче армия җыры фестивале «Армиядән сәлам» видеоролигын күрсәтү белән башланып китте.

Район Башкарма комитеты җитәкчесе Илнар Хафизов лидер дәресе үткәрде 16 октябрь көнне Зәй политехник көллиятендә Зәй муниципаль районы Башкарма комитеты җитәкчесе И. Ф. Хафизов лидер дәресе кысаларында студентлар белән очрашты. Илнар Фәнил улы студентларны район Башкарма комитеты функцияләре белән таныштырды, ә студентлар, үз чиратларында, үзләрен кызыксындырган сорауларын бирделәр һәм нәтиҗәле эшләүче җитәкченең нинди күнекмәләр һәм сыйфатларга ия булырга тиешлеген белделәр.

Бүген район башлыгы Р. Г. Кәримов агрофирма җитәкчеләре, агросәнәгать комплексы белгечләре катнашында районның кайбер хуҗалыкларында булып кайтты.

Кайнар линия эшен ТРда бала хокуклары буенча вәкаләтле вәкил Аппараты оештыра. 18 октябрьдә 9.00 сәгатьтән 17.00 сәгатькә кадәр Татарстан Республикасында бала хокуклары буенча вәкаләтле вәкил Аппаратында «Татарстан Республикасы мәгариф оешмаларында туклануны оештыру» темасына түбәндәге телефон номерлары буенча кайнар линия эшләячәк: 8(843) 236-61-24, 236-61-26, 236-61-49.

Бүген көннең икенче яртысында район башлыгы Р. Г. Кәримов хәрби хезмәткә чакыру комиссиясе утырышын үткәрде. Район башлыгы, комиссия рәисе буларак, армиягә чакырылырга тиешле 20 егет белән әңгәмә корды. Разиф Кәримов комиссия тарафыннан яраклы дип табылган егетләргә армия мәктәбен лаеклы үтүләрен, ата-аналарын һәм районны сынатмауларын, ә кайткач, туган якларында күңелләренә якын эш табуларын теләде. Көзге чакырылышта барлыгы 72 зәйле Россия Кораллы Көчләре сафларын тулыландырачак, армиягә беренче озату 22 октябрьдә, соңгысы 17 декабрьдә булачак.

11- 14 октябрь көннәрендә Казанда 17 яшькә кадәрге, 2002- 2003 нче елгы яшүсмерләр арасында ирекле көрәш буенча ТР Беренчелеге узды. Анда Зәйдән Вәлиәхмәтова Алинә 46 кг авырлык категориясендә, Шәрипов Марат -48 кг, Хөснуллин Руслан – 71 кг, Чайка Данил 110 кг кадәр авырлык категориясендә бронза медаль яуладылар.

Бүген район Башкарма комитеты җитәкчесе Илнар Хафизов авыл җирлекләрендә үзара салым кертү буенча җирле референдумнар мәсьәләләре буенча баланс комиссиясе үткәрде. Утырыш эшендә район башлыгы урынбасары Валерий Акатьев, Финанс-бюджет палатасы рәисе Венера Шакирҗанова катнашты.

«Зәй» агрофирмасы хуҗалыкларында шикәр чөгендере 2273 гектарда үстерелгән иде, уртача уңыш бер гектардан 477 центнер тәшкил итте, барлыгы 107 мең тонна татлы тамыр казып алынды. Кырларда «Ропа» маркалы 3 комбайн эшләде.

Район мәдәният йортына иҗат сезоны ачылуга килгән Иске Зәй бистәсендә яшәүчеләрне сюрприз көтә иде. Фойеда тамашачыларны музей фондыннан оештырылган "Зәй: үткәне һәм бүгенгесе» күчмә күргәзмәсе каршы алды.

Без барыбыз да упкынның төпсезлек, тирән чокыр булуын беләбез. Алкоголь, тәмәке тарту, наркотиклар куллану кебек начар гадәтләр упкынга китерергә мөмкин. Мондый бәладән ничек сакларга соң? 13 октябрь көнне туган якны өйрәнү музее хезмәткәрләре 1 нче мәктәп укучылары белән “Упкынга карарга кирәк” темасына түгәрәк өстәл үткәрделәр.