Зәйдә “Упкынга карарга кирәк” темасына түгәрәк өстәл узды

Без барыбыз да упкынның төпсезлек, тирән чокыр булуын беләбез. Алкоголь, тәмәке тарту, наркотиклар куллану кебек начар гадәтләр упкынга китерергә мөмкин. Мондый бәладән ничек сакларга соң? 13 октябрь көнне туган якны өйрәнү музее хезмәткәрләре 1 нче мәктәп укучылары белән “Упкынга карарга кирәк” темасына түгәрәк өстәл үткәрделәр. Балалар бик теләп катнаштылар, сорауларга җавап бирделәр, кроссворд чиштеләр. Укучылар наркотикларның тормыштагы төп кыйммәтләрне: ирек, мәхәббәт, сәламәтлек, бәхетне алыштырмаска тиешлеген яхшы аңлый. Бу лекциянең максаты - кеше сәламәтлеге һәм гомеренә куркыныч тудыручы начар гадәтләргә бирешмәү, нәкъ менә яшүсмерләр моның белән кызыксынырга тиеш. Яшь буын сәламәтлеге өчен җаваплылыкның зур өлешен ата-аналар һәм мәктәп үз өстенә ала. Балалар зарарлы гадәтләр турында никадәр иртәрәк белсә, аларның үзләрен саклап калу ихтималы да шулкадәр зуррак.