Зәйдә Чакырылучы көненә багышланган беренче армия җыры фестивале үткәрелде

16 октябрь көнне " Энергетик» мәдәният сараенда булачак солдатлар, аларның әти-әниләре һәм якыннары, шулай ук сугыш хәрәкәтләре ветераннары җыелды. Беренче армия җыры фестивале «Армиядән сәлам» видеоролигын күрсәтү белән башланып китте. Быел көз Россия Федерациясенең Кораллы Көчләре сафларын тулыландырачак егетләрне район Башкарма комитеты җитәкчесе Илнар Хафизов сәламләде. Ул армиядә хезмәт итүнең һәр егетнең изге бурычы булуын ассызыклап үтте, Зәй егетләренә җиңел һәм кызыклы хезмәт итүләрен теләде, шулай ук фестивальнең матур традициягә әвереләчәгенә ышаныч белдерде. Фестиваль кысаларында иҗат коллективлары һәм аерым башкаручылар конкурсы үткәрелде. Мәктәп укучылары, балалар бакчаларында тәрбияләнүчеләр патриотик композицияләр башкардылар. Чыгышларны Зәй районы хәрби комиссары Айрат Әгъләмҗанов, шулай ук мәдәният хезмәткәрләре бәяләде. Чара бүләкләү тантанасы белән тәмамланды.