ЯҢАЛЫКЛАР

27 сентябрь көнне Чаллының балалар һәм яшьләр иҗат сараенда “Иң яхшы җәмәгать тәрбиячесе” республика конкурсының зона этабы узды. Әлеге конкурсны балигъ булмаганнар эшләре һәм аларның хокукларын яклау буенча республика комиссиясе оештырды.

Бүген Зәйнең спорт-сәламәтләндерү комплексында Татарстан Республикасы муниципаль хезмәткәрләре спартакиадасы кысаларында хатын-кызлар арасында волейбол буенча ярышларны ачу тантанасы булды.

Бүген “Ялта-Зәй” спорт әзерлек үзәгендә чаңгычы-узышчылар арасында җәйге Татарстан Республикасы чемпионаты тәмамланды. Олимпия чемпионы Федор Симашев исемендәге спорт мәктәбендә шөгыльләнүче спортчыларыбыз анда катнашып, уңышлы гына чыгыш ясадылар.

Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров «Татарстан Республикасының цифрлы моделе» проектын гамәлгә ашыру буенча эшче киңәшмә уздырды.

16 – 25 сентябрьдә "Энергия" стадионында тренер Илдус Сөнгатуллин истәлегенә яшүсмерләр арасында футбол буенча “Барс” спорт мәктәбенең ачык беренчелеге үтте.

Республика Гадәттән тыш хәлләр министрлыгы республикада уңайсыз һава шартлары турында кисәтә, 27 һәм 28 сентябрьдә төнлә һәм иртән юлларның кайбер өлешләрендә бозлавык булырга мөмкин, аязучан болытлы һава күзәтеләчәк, бераз яңгыр,юеш кар явуы көтелә, җил көнбатыштан, көньяк-көнбатыштан секундына 6-11 метр тизлектә, вакыты белән 15 метрга җитәргә мөмкин, төнлә температура - +4, -1, көндез +5, +10 градус.

Сәнәгатьтә травма очракларын киметү өчен хезмәт куркынычсызлыгы белән идарә системасын стратегик рәвештә үстерү. Бүген Зәйдә хезмәт куркынычсызлыгына багышланган республика семинарында шуның турында сөйләштеләр.

26 – 27 сентябрьдә “Ялта-Зәй” спорт әзерлек үзәгендә чаңгычы-узышчылар арасында җәйге Татарстан Республикасы чемпионаты уза.

1 октябрьдә кичке сәгать 4тә хакимиятнең 66нчы кабинетында алимент мәсьәләләре белән гражданнарны кабул итү үткәрелә.

Татарстан Республикасы Авыл хуҗалыгы һәм азык-төлек министрлыгы «2019-2024 елларга Татарстан Республикасында «Агростартап» проекты буенча крестьян (фермер) хуҗалыкларын булдыру һәм үстерү» ведомство программасы буенча грантлар бирү өчен крестьян (фермер) хуҗалыклары проектларын сайлап алу конкурсына йомгаклар ясалу турында хәбәр итә. Грантларның гомуми суммасы 312 млн. сумнан артык.