“Ялта-Зәй” спорт әзерлек үзәгендә чаңгычы-узышчылар арасында җәйге Татарстан Республикасы чемпионаты уза

26 – 27 сентябрьдә “Ялта-Зәй” спорт әзерлек үзәгендә чаңгычы-узышчылар арасында җәйге Татарстан Республикасы чемпионаты уза. Ярышларда республика районнарыннан, шулай ук Татарстан һәм Чувашия республикалары җыелма камандаларыннан көчле спортчылар катнаша. Бүген спорт әзерлек үзәгендә ярышларны тантаналы ачуда район башлыгы Разиф Кәримов, аның урынбасары Валерий Акатьев, Татарстанның чаңгы узышлары федерациясе президенты Илшат Фәрдиев, Татарстан Республикасы спорт министрының беренче урынбасары Хәлил Шәйхетдинов катнашты. Шәхси һәм команда беренчелеге өчен ярышлар республикада чаңгы спортын популярлаштыру, аны тагын да үстерү, чаңгычы-узышчыларның алдагы сезонга әзерлек дәрәҗәсен карау максатыннан үткәрелә.