ЯҢАЛЫКЛАР

Бүген хакимиятнең зур залында Зәй шәһәре Советының законлылык, регламент һәм депутат этикасы буенча даими комиссиясе утырышы узды.

Бүген Зәйнең Ринат Фәрдиев исемендәге татар гимназиясендә республикада игълан ителгән Туган телләр һәм халыклар бердәмлеге елы, Ватанны саклаучылар көне уңаеннан үзенчәлекле бәйге үткәрелде.

Парламентаризм атналыгы кысаларында бүген 7 нче урта гомуми белем бирү мәктәбе базасында Туган телләр һәм халыклар бердәмлеге елына багышланган парламент дәресе үткәрелде. Дәресне тарих һәм җәмгыять белеме укытучысы Запека Юлия Михайловна үткәрде. 2021 елда Парламент дәресенең гомуми темасы - «Татарстан – безнең уртак йортыбыз. Халыклар бердәмлеге, тел һәм мәдәният күптөрлелеге - республиканың уникаль байлыгы».

Бүген хакимият бинасының кече залында район башлыгы Р.Г. Кәримов рәислегендә Зәй муниципаль районы Икътисади советы утырышы узды. «ЖилЭнергоСервис-Зәй» ҖЧҖ директоры Георгий Владимирович Тихонов 2020 елга эшчәнлекнең төп нәтиҗәләре һәм 2021 елга перспектив планнар турында доклад белән чыгыш ясады.

Татарстан Республикасында яшәүче халыкларның туган телләрен, мәдәниятен һәм традицияләрен саклау һәм үстерү, күпмилләтле халкының бердәмлеген ныгыту максатыннан 2021нче ел Татарстанда туган телләр һәм Халык бердәмлеге елы дип игълан ителде. (Татарстан Республикасы Президентының «Татарстан Республикасында 2021нче елны Туган телләр һәм халык бердәмлеге елы дип игълан итү турында» Указы, 2020нче ел 5нче октябрь №УП-653»).

Бүген 2нче мәктәптә «Муса Җәлил шигырьләрен туган телемдә сөйлим» видеомарафонының муниципаль этабына йомгак ясалды. Бу чараның максаты балаларда халкыбызның бөек шагыйре, Советлар Союзы Герое Муса Җәлил белән горурлану хисе уяту, аның иҗаты турында яшь буынны мәгълүматлы итү, шигырьләренә карата кызыксыну уяту, туган илебез белән горурлану хисе тәрбияләү, шигъри сүзнең матурлыгын һәм сәнгатен үстерүгә юнәлтелгән иде.

Зәйлеләр «Минем шәҗәрәм»генеалогик тикшеренүләр республика конкурсына кушыла алалар. Ул 30 апрельгә кадәр ике этапта – муниципаль һәм республика этапта үтә. «Минем шәҗәрәм» конкурсы тарихи аңны формалаштыруга һәм патриотизм хисен тәрбияләүгә, архив материаллары белән эшләүгә җәлеп итүгә юнәлдерелгән

Зәй муниципаль районы “Радость” халыкка социаль хезмәт күрсәтү комплекслы үзәгендә ишетмәүчеләр һәм начар ишетүче кешеләр һәм аларның гаилә әгъзалары өчен “Поддержка” аралашу клубы эшли.

17 февральдә «Энергетик» мәдәният сарае сәхнәсендә «Созвездие-Йолдызлык-2021» сәнгатенең ачык республика телевизион яшьләр фестивале район этабы узды.

Профориентация - олы тормышка бәхетле билет. Һәр кеше һөнәр сайлау мәсьәләсе белән очраша, һәм аңа бик җитди килергә кирәк.