ЯҢАЛЫКЛАР

Хөрмәтле җирле үзидарә органнары ветераннары, муниципаль хезмәткәрләр, район, шәһәр һәм авыл җирлекләре депутатлары! Сезне чын күңелдән һөнәри бәйрәмегез – Җирле үзидарә көне белән котлыйм!

"Зәй офыклары" редакциясе коллективы массакүләм мәгълүмат чараларында җирле үзидарә темасын иң яхшы яктыртучы журналист эшләре республика конкурсында катнашты.

Картлык көннәрендә караучысыз калган өлкәннәр өчен Татарстан Республикасы Хезмәт, халыкны эш белән тәэмин итү һәм социаль яклау министрлыгы “Өлкән кешене тәрбиягә алган гаилә” пилот проектын тормышка ашыра. “Демография” милли проектының “Өлкән буын” проекты кысаларында пенсия яшендәге кешеләр һәм инвалидлар гаиләле булу мөмкинлегенә ия.

20 апрельдә С. Рәфыйков исемендәге Үзәк китапханәдә Туган телләр һәм халык бердәмлеге елы кысаларында татар шагыйре Габдулла Тукайның тууына 135 ел тулу уңаеннан «Шагыйрь рухы безнең күңелләрдә» дип исемләнгән әдәби сәгать үтте.

“Теремкәй” балалар бакчасында экологик тәрбия бирүгә зур игътибар бирелә. Шул сәбәпле тәрбияче Г.Р. Васильева җитәкчелегендә уртанчылар төркеме балалары тәрәзә төбендә суган үстерделәр.

Экологик икеайлык кысаларында мәктәп укучылары һәм персоналы белән мәктәп һәм аның янәшәсендәге территориянең торышын яхшырту буенча зур эш башкарылды.

20 апрельдә район башлыгы Кәримов Разиф Гали улы, районның авыл хуҗалыгы һәм азык-төлек идарәсе белгечләре һәм зооветеринария белгечләре белән берлектә, авыл хуҗалыгы формированиеләрен йөреп чыкты.

19 апрельдә спорт-сәламәтләндерү комплексының спорт залында "Барс" спорт мәктәбенең волейбол буенча беренчелеге ярымфинал һәм финал уеннары булып узды.

19 нчы апрель көнне Зәй шәһәренең «Энергетик» мәдәният сараенда халыкны эш белән тәэмин итү Үзәгенең 30 еллыгына багышланган тантаналы чара узды.

Яшьләрнең иминлеге турында кайгырту - Яшьләр эшләре идарәсе өстенлекләренең берсе. Шушы көннәрдә "Дуслык" яшьләр үзәгендә яшьләр берләшмәләре җыелышы булды.