Зәйдә халыкны эш белән тәэмин итү Үзәгенең 30 еллыгына багышланган тантаналы чара узды
19 нчы апрель көнне Зәй шәһәренең «Энергетик» мәдәният сараенда халыкны эш белән тәэмин итү Үзәгенең 30 еллыгына багышланган тантаналы чара узды. Чарага район башлыгы Разиф Гали улы Кәримов, Татарстан Республикасы Хезмәт, мәшгульлек һәм социаль яклау министры урынбасары Клара Алексеевна Таҗетдинова, Зәй шәһәре халыкны эш белән тәэмин итү үзәге хезмәткәрләре һәм ветераннары, эш бирүчеләр, социаль партнерлар чакырылган иде. Разиф Галиевич халыкны эш белән тәэмин итү хезмәте оешуга 30 ел тулу белән котлады, күпьеллык һәм нәтиҗәле хезмәте, югары һөнәри осталыклары өчен рәхмәт белдерде. Чара кысаларында Зәй шәһәре халыкны эш белән тәэмин итү үзәге эшчәнлегенең тарихи кадрлары белән эш итү хезмәте турында фильм тәкъдим ителде һәм хезмәт эшчәнлегенең төп мизгелләре һәм нәтиҗәләре турында сөйләнде, залда Зәй шәһәре халыкны эш белән тәэмин итү үзәге архивыннан фотографияләр күргәзмәсе, шулай ук мәшгульлек хезмәте ярдәмендә үз эшен ачкан шәхси эшмәкәрләр күргәзмәсе оештырылды. Татарстан Республикасы Хезмәт, мәшгульлек һәм социаль яклау министры Эльмира Әмир кызы Зарипованың видеокотлавы тантаналы чараның иң якты мизгелләренең берсе булды. Зәй шәһәре халыкны эш белән тәэмин итү үзәге директоры Екатерина Валерьевна Андреева «Зәй шәһәре халыкны эш белән тәэмин итү үзәге»дәүләт казна учреждениесе эшен хуплаучыларга чын күңелдән рәхмәт белдерде. Тантаналы чара ахырында нәтиҗәле һәм намуслы хезмәтләре өчен, халыкны эш белән тәэмин итү үзәге хезмәткәрләрен һәм ветераннарны бүләкләү тантанасы узды.