Зәйдә тәрбиягә алган гаиләдә яшәүче өлкән кешене 75 яшьлек юбилее белән котладылар

Картлык көннәрендә караучысыз калган өлкәннәр өчен Татарстан Республикасы Хезмәт, халыкны эш белән тәэмин итү һәм социаль яклау министрлыгы “Өлкән кешене тәрбиягә алган гаилә” пилот проектын тормышка ашыра. “Демография” милли проектының “Өлкән буын” проекты кысаларында пенсия яшендәге кешеләр һәм инвалидлар гаиләле булу мөмкинлегенә ия. 2018 елда ук ялгыз яшәүче Гыйльфанов Салихҗана Баттал улы Гыйниятуллина Алсу Таһир кызы һәм аның якыннары ярдәмендә тулы канлы гаиләгә ия булды. 20 апрель көнне Зәй муниципаль районы “Радость” халыкка социаль хезмәт күрсәтү комплекслы үзәге хезмәткәрләре әлеге гаиләгә бардылар һәм Салихҗана Баттал улын 75 яшьлеге белән котладылар Гыйниятуллиннар гаиләсендә Салихҗан бабай үзен бик уңайлы хис итә. Аның үзенең аерым бүлмәсе бар, янында кайгыртучан, игътибарлы кешеләр. Аңа бигрәк тә өйдә бөтен гаилә җыела торган яллар ошый, чөнки бу көнне кунакка өлкән балалар да килә. Алсу Таһировна һәм аның ире өчен ул әтиләрен, ә аларның балалары өчен бабаларын алыштырган кадерле кеше.