Бохарай төп гомуми белем бирү мәктәбендә экологик икеайлык үтте

Экологик икеайлык кысаларында мәктәп укучылары һәм персоналы белән мәктәп яны территориясенең торышын яхшырту буенча зур эш башкарылды. Бөтен территория буйлап коры үлән һәм яфраклар, чүп-чар җыелды. Клумбалар һәм бакча, орлыклар һәм чәчәкләр утырту өчен әзерләнгән иде. Мәктәпнең техник персоналы әлеге участокта агачлар агартты. Мәктәпнең яшь армиячеләре ГТХМ хезмәткәрләре белән берлектә "1941-1945 елларда сугышта һәлак булганнар" һәйкәле янын җыештырдылар. "Батарейка, тапшырыл!» акциясе кысаларында, файдаланылган 247 батарейка җыю оештырылды. Шулай ук, экологик тәрбия кысаларында барлык сыйныфларда да «Эко-яз», «Урманнар-планетабызның үпкәләре» темаларына әңгәмәләр һәм сыйныф сәгатьләре үткәрелде.