Район башлыгы Р.Г. Кәримов авыл җирлекләре бүлекчәләрендәге эш барышы белән танышты

20 апрельдә район башлыгы Кәримов Разиф Гали улы, районның авыл хуҗалыгы һәм азык-төлек идарәсе белгечләре һәм зооветеринария белгечләре белән берлектә, авыл хуҗалыгы формированиеләрен йөреп чыкты. Рейдның максаты-районның авыл хуҗалыгы формированиеләрендә һәм крестьян-фермер хуҗалыкларында кыр эшләренең барышы һәм терлекчелек өлкәсендәге эшләрнең торышы белән танышу. Районда арпа һәм борчак чәчү дәвам итә. Чарада катнашучылар "Баграж", "Кадер", "Нур", "Сәвәләй", "Чыбыклы", "Нива" җитештерү комплексларында арпа чәчү агрегатларының эше белән таныштылар. Чәчү технологиясен үтәүгә, орлыкларны эшкәртү тирәнлегенә аерым игътибар бирелде. Район башлыгы Р.Г. Кәримов фермерларларның да район авыл хуҗалыгы үсешенә керткән өлешен уңай бәяләде.