ЯҢАЛЫКЛАР

“Шатлык” социаль –реабилитация үзәгендә ярдәм алучылар һәркем өчен дә кирәкле һәм файдалы булган шөгель таптылар. Алар кул белән курчаклар ясыйлар. Һәрбер ясаган курчак үзенчәлекле, кабатланмас.

22 октябрьдә юл кичүенә беренче куб. бетон килде. Әлеге эшнең башланып китү өлешендә район башлыгы Рәзиф Кәримов та катнашты. Җир эшләреннән бетон эшләренә керешү төзерештә яңа этап белән билгеләнә.

21 октябрьдә Мирный бистәсе паркында беренче сыйныфтагылар өчен “Мәдәният дәресе” проекты кыссаларында чара үткәрелде. Аңа 5 мәктәпнең 3 сыйныф укучылары чакырылган иде. Аны укытучы Р.А. Арсланова һәм мәдәният йортының иҗат коллективы үткәрде.

Шикәр кайнату сезоны башланганнан Зәй шикәр заводы 585692 тонна чимал кабул иткән, шуның 197675 тоннасы Зәй басуларыннан китерелгән. “Зәй шикәре” агрофирмасы заводка 2 73801 тонна татлы тамыр тапшырган. Китерелгән чималның 423801 тоннасы эшкәртелеп, 60204 тонна шикәр комы җитештерелгән.

Зәй районында чөгендер алу тулы куәткә бара. Авыл хуҗалыгы һәм азык-төлек идарәсеннән алынган мәгълүматлар буенча, чөгендер 6800 гектарда алынып, 285600 тонна татлы тамыр җыелды. Бу - барлык мәйданның 80,9 проценты.

Түбән Камада яшүсмерләр арасында киокусинкай буенча Түбән Кама шәһәре беренчелегенә ярышлар узды. Беренчелектә Зәйдән үз авырлыгында Валерий Селиверстов җиңүче булды. Виталий Бочкарев III урын алды.

Бүген Зәйнең барлык гомумбелем бирү мәктәпләрендә башлангыч сыйныф укучылары өчен “Бердәм мәдәният дәресе” үткәрелде. Дәрес барышында башлангыч сыйныф укучылары Татарстан Мәдәният министрлыгының Мәгариф һәм фән министрлыгы белән берлектә тормышка ашырылучы “Укучының мәдәни көндәлеге” проекты кысаларында махсус басмаларны алдылар.

Шәһәребезенең үзәк китапханәсендә бөек рус шагыйре Сергей Есенинның 120 яшенә багышланган “Минем тормышым җыр өчен сатылган” дип исемләнгән шигырь бәйрәме үтте.

Зәй районы Аксар авылында моннан 60 ел элек 5 гектарлы мәйданда Алма бакчасы булдырган иде. Шул вакыт эчендә аның күп кенә агачлары корып, урыны бушап калды. Узган атнада Алма бакчасына 46 төп алмагач үсентеләре утыртылды. Үсентеләр Тукай районы Новый поселогыннан кайтартылды. Аларны VI-IX сыйныф укучылары утыртты.

Безнең районга быел биш мини-ферма төзү өчен субсидия бирелгән иде. Әлегә өч шәхси хуҗалык сөт җитештерү өчен мини-ферма төзүгә тиешле документларын тапшырган. Шәхси хуҗалыклар 200 мең сумлык субсидиягә өмет итә алачаклар.