ЯҢАЛЫКЛАР

Бүген Зәй шәһәр Советы утырышында шәһәр башкарма комитеты җитәкчесен билгеләү турында мәсьәлә каралды. Депутатлар каравына конкурс комиссиясе аша үткән ике кандидатура – башкарма комитет җитәкчесе вазифасын 5 ел башкарган Сергей Васильевич Максимов һәм район Советының мәгълүмати технологияләр һәм мәгълүмати куркынычсызлык бүлеге башлыгы Илнар Илдар улы Идиятов тәкъдим ителде.

20 октябрьдә Казан шәһәренең “Форсаж” үзәгендә Эчке эшләр Министрлыгында эшләүче хезмәткәрләрнең балалары арасында , аларның профессиональ бәйрәмнәре хөрмәтенә үткәрелгән картинг буенча ярышлар үтте.

Казан федераль университетында 16 октябрьдә “Мәһдиев укулары” дип аталган фәнни-гамәли конференция узды. Конференция эшендә Зәй районының Кадер авылы мәктәбеннән X сыйныф укучысы Ринас Дәүләтшин катнашты. Ринас “Беркемне дә кабатламаучы” дигән исем астындагы фәнни эше белән уңышлы чыгыш ясады.

15-18 октябрьдә, Казан шәһәрендә Россия беренчелегенә билбау көрәше буенча ярышлар булып үтте. Анда 30 шәһәрдән 250 спортчы катнашты.

Чөгендер алу авыр шартларда бара. Зәй авыл хуҗалыгы һәм азык-төлек идарәсеннән 20 октябрьгә алынган мәгълүматлар буенча, басу-кырлардан 6420 гектарда 269640 тонна татлы тамыр җыеп алынган. Бу - барлык мәйданның 76,4 проценты. Уңыш гектарыннан уртача 420 центнер тәшкил итә.

Бүген Зәйдә зур вакыйга булды: Яңа Спас-Урсай-Әлмәт юлы ачылды. Моннан өч ел элек әйләнеп узу юлының өлеше Зәй-Бохарай файдалануга тапшырылган иде, аның дәвамы буларак, икенче өлешне дә юлчылар бүген кулланышка кертте.. Өч ел буе салынган Яңа Спас-Урсай-Әлмәт юлы 7 чакрым озынлыкны тәшкил итә.

“Зәй шикәре” агрофирмасының “Сәвәләй”, “Зәй”нең “Шепкә”, “Бура-Киртә” бүлекчәләре, “Нива”ширкәтендә капиталь төзекләндерелүче фермаларда “Дамилк Агро” фирмасы сөт җиһазлары урнаштыра

Зәйнең район мәдәният йорты хезмәткәрләре яшүсмерләр белән “Минем киләчәгем үз кулымда” дигән темага сөйләшү үткәрде. Сүз нигездә җәмәгать урыннарында үзеңне тоту, җаваплылык турында барды. Әлеге чараның максаты укучылар арасында әхлакый нормалар, тәртип, этикет кагыйдәләрен тагын бер кат искә төшерү, аларга нигезләнеп яшәү кирәклеген ныгыту иде.

Спорт сәләмәтләндерү үзәгендә “Бабай, әби, әти, әни һәм мин” дип исемләнгән спорт чарасы булып үтте.