ЯҢАЛЫКЛАР
16 августта Иннополиста Татарстан Республикасы Президенты Рөстәм Миннеханов катнашында яшь педагоглар форумы үтте. Анда зәйдән бертөркем яшь мөгаллим һәм мөгаллимәләр катнашты.
16 августта Мирный бистәсендә Россия флагы көне үтте. Анда Клуб яны лагерына йөрүче балалар катнашты. Алар Россия флагы тарихын өйрәнделәр һәм Россия флагы көне белән котлау открыткасы яздылар. 22 август көнне котлауларны үзләренең якыннарына җиткерәчәкләр.
Районда язгы бодай суктыру эше дәвам итә. Район авыл хуҗалыгы һәм азык-төлек идарәсеннән алынган мәгълүматлар буенча, 16 августка игеннәр 34000 гектарда җыеп алынган. Бу – барлык мәйданның 93 проценты дигән сүз. Уңыш - гектарыннан уртача 37,5 центнер тәшкил итә.
Хөрмәтле зәйлеләр һәм шәһәребез кунаклары! 20 август көнне “Энергетик” мәдәният йорты мәйданында бал бәйрәме үткәрелә. Бәйрәм программасында: районыбызның авыл җирлеләре, шәхси хуҗалыклардагы бал җитештерүчеләр катнашында бал ярминкәсе, концерт, төрле уеннар үткәреләчәк.
“Восток” агрофирмасының “Үрнәк” бүлекчәсе хезмәтчәннәре быелгы чәчүдә дә, уракта да өлгер эшләүче хуҗалык булып табылды. 10 августта биредә урып-җыю эшләре төгәлләде. Бүгенге көндә үрнәклеләр татлы тамыр - чөгендер алу белән мәшгуль.
12 август көнне Бохарай авыл клубында “Энергетик” мәдәният хезмәткәрләре оештырган иҗат десанты авыл халкы өчен концерт оештырды. Программада “Русская душа”, “Злато”, В. Тыткин, Д. Салахиева һәм Г. Халиуллин катнашында матур җырлар, мавыктыргыч нәфис сүз яңгырап торды.
“Каенкай” балалар бакчасында йөрүче балалар өчен мәктәп тауында “Күңелле ыгы-зыгы” – исемле чара үткәрелде. Ул “Мәктәп тауында ял” дип аталды. Аларга район мәдәният йорты, музей һәм яшьләр үзәге мавыктыргыч программа әзерләгән иде.
13 август көнне “Энергия” стадионында Бөтенроссия физкулттурачылар көненә багышланган “Спорт белән дуслан!” дигән исем астында мәктәпкәчә балалар арасында спорт фестивале үткәрелде.
Район мәдәният йорты каршында эшләп килүче агитбригада менә инде бер ай вакыт һәр көнне районыбыз кырларына чыгып урып-җыю эшендә катнашучы механизаторларга үзләренең җырларын һәм изге теләкләрен җиткерә.
«Бердәм Россия» партиясе башлап җибәргән «Көчле Татарстан! Бердәм Россия!» партия эстафетасын кичә зәйлеләр кабул итте. РФ Дәүләт Думасына кандидатлар һәм төрле дәрәҗәдәге депутатлар республика, район халкы белән очраша, гозер-үтенечләрен тыңлый.