ЯҢАЛЫКЛАР

Районда сөт җитештерү буенча “Нива” җаваплылыгы чикләнгән ширкәте алдынгылар рәтендә: биредә тәүлек савым 9900 литр тәшкил итә, бер сыердан 19,8 литр сөт савыла. Бүгенге көндә ширкәттә 500 баш савым сыер бар. “Нива”ның товарлыклы-сөтчелек комплексы республика программасы буенча төзекләндерелде.

Бүген Зәй муниципаль районы Советы , Башкарма комитеты , "Җир һәм милек мөнәсәбәтләре палатасы”,"Шатлык"халыкка хезмәт күрсәтү үзәге, "Мәшгульлек үзәге", спорт мәктәпләре, яшьләр эшләре һәм физик культура, спорт һәм туризм идарәсе профсоюз оешмалары рәисләренең эшлекле киңәшмәсе булды. Киңәшмә барышында 2016 елда эшләнгән эшләргә нәтиҗә ясалды, 2017 елга эш планы каралды. Алдагы елда барлык профсоюз оешмаларының членнары белән берлектә чаралар үткәрү турында сөйләшү булды. Киңәшмәне республика профсоюзларының Зәй муниципаль районы буенча ышанычлы вәкиле Е.В.Недошивина алып барды.

Бүген, якын киләчәктә Зәй җирлегендә җиткерелергә планлаштырылган объектларның мәйданчыклары каралды. Район башлыгы Р.Г.Кәримов, район һәм шәһәр башкарма комитеты җитәкчеләре, аларның урынбасарлары һәм шәһәрнең баш архитекторы төзелеш буласы урыннарны җентекләп карадылар. Сүз шәһәребезнең 4 нче микрорайонында урнашачак 45 фатирлы йорт, Мирный бистәсенең Пионер урамында төзеләчәк авыл хуҗалыгы һәм промышленносте паркы турында барды. Чара барышында күп кенә мәсьәләләргә ачыклык кертелде.

Татарстан синоптиклары һава шартлары начараюы турында кисәтә. 5нче гыйнварда республикада 25-27 градус салкын көтелә. Иртәгә иртән һәм кич, 6сы Татарстанда көньяк-көнбатыштан тизлеге 15-20 м/секундка җитүче җил, кар явуы фаразлана. Юлларда карт көртләре булу сәбәпле, сак һәм игътибарлы булыгыз!

Зәй район башлыгы Разиф Кәримов, төрле өлкәдә тырыш хезмәт куючыларга игътибарлы. Мәдәният өлкәсе хезмәткәрләре дә мондый илтифаттан читтә калмый. Ел нәтиҗәләре буенча «Иң яхшы клуб учреждениесе хезмәткәре» номинациясендә Дүрт Мунча авылы мәдәният йорты директоры Гөлнара Салихова 30 мең сумлык грантка ия булды. Ә «Иң яхшы иҗат коллективы җитәкчесе» буларак Марина Петленко танылды. Озак еллар «Магия» хореография коллективын җитәкләүче ханым 20 мең сум бүләккә лаек булды. Шундый ук суммага музыка мәктәбе укытучысы Татьяна Тимофеева, 10ар мең сумлык грантка «Иң яхшы китапханәче» номинациясендә Имәнлебаштан Нурфия Яхина һәм Аксардан Зөхрә Бәхтивәлиева ия булды.

Бүген Зәй районында ике яшүсмер, район башлыгы Р.Г.Кәримовтан үзенчәлекле бүләккә ия булдылар. Сармашбаш авылыннан 6нчы сыйныф укучысы Альмир Гыйниятуллин һәм Якты Күл авылыннан, хәзерге вакытта Зәй политехник колледжында 3 курс студенты Сергей Филипповка ноутбуклар тапшырылды. Гыйниятуллиннар гаиләсе ут-күз казасы аркасында быел зур кайгы кичерде, ә киләчәктә программист булырга хыялланган Альмир өчен заманча компьютерлы булу, тормышка ашмас хыял булып тора иде. Яшүсмернең хыялы турында белеп алган район башлыгы, аны үтеп баручы елның соңгы көнендә тормышка ашырды. Альмирның әти-әниләре мәдәният йорты хезмәткәре Алсу һәм 29 ел буе җирлектә механизатор булып эшләүче Раушан Гыйниятуллиннар авыр вакытларда ярдәм кулы сузган района җитәкчелегенә, улларын тагын беркат сөендергән Разиф Галиевичка бик зур рәхмәтле булуларын ихлас күңелдән белдерделәр.

Дүшәмбе, 2 гыйнвар көнне күңел ачу программасы балалар сәнгать мәктәбе һәм "Кыңгырау"балалар бакчасында,17 сәгатьтән 18 сәгатькә кадәр Р.Ш.Фәрдиев исемендәге ял паркында, сишәмбе, 3 нче гынвар көнне балалар иҗат йорты һәм “Күкчәчәк” балалар бакчасында, 17 сәгатьтән 18 сәгатькә кадәр Р.Ш.Фәрдиев исемендәге ял паркында,чәршәмбе, 4 гыйнвар көнне күңел ачу программасы 6нчы мәктәп һәм “Энҗе” балалар бакчасында, 17 сәгатьтән 18 сәгатькә кадәр Р.Ш.Фәрдиев исемендәге ял паркында, пәнҗешәмбе,

Бүген Зәйдә үтеп баручы елга нәтиҗә ясау, киләсе елга бурычлар билгеләү буенча традицион чара узды.Ул быел да шәһәр һәм район Советы депутатлары, предприятие, оешма җитәкчеләре, хезмәт коллективлары вәкилләре, хезмәт алдынгылары катнашында “ Яшьлек” боз сараенда үтте.Тантанада район башлыгы Разиф Кәримов район икътисадының барлык тармакларларында 2016 елда ирешелгәннәрне анализлап, 2017 елга бурычлар куйды. Район башлыгы “ Ел җитәкчесе”, “ Ел хәйриячесе”, “ Ел эшмәкәре”, “ Спортта иң яхшы нәтиҗәләр” номинацияләрендә һәм Яңа елга биләмәләрне бизәү буенча “ Кышкы әкият” конкурсында җиңүчеләрне тантаналы рәвештә котлады.

Кичә Зәйдә елга нәтиҗә ясау, киләсе елга бурычлар билгеләү буенча узган традицион чарада Аксар җирлеге үзенең һәрнәрсәдә өлгер булуын күрсәтте. Җирлек “Сәламәтлек” спартакиадасы нәтиҗәләре буенча быел да җиңүче булды. Яңа ел бәйрәмнәре уңаеннан бәйрәм атмосферасы тудыру, территорияләрнең архитектур йөзен яхшырту, төзекләндерү ниятеннән оештырылган “Кышкы әкият” конкурсында да аксарлыларга тиңнәр булмады.

"Зәй муниципаль районы Мактаулы гражданины" исеменә район үсешенә зур өлеш керткән, арабыздан киткән Николай Баныкин, Вадим Мишин, шулай ук Атлас Галиәхмәтов, Анатолий Путяшов, Зәйтүнә Кашапова лаек булды. Аларга әлеге дәрәҗәле исемне “Яшьлек” боз сараенда узган елга нәтиҗә ясау тантанасында район башлыгы Р.Г.Кәримов тапшырды.