“Нива” җаваплылыгы чикләнгән ширкәте алдынгы.

Районда сөт җитештерү буенча “Нива” җаваплылыгы чикләнгән ширкәте алдынгылар рәтендә: биредә тәүлек савым 9900 литр тәшкил итә, бер сыердан 19,8 литр сөт савыла. Бүгенге көндә ширкәттә 500 баш савым сыер бар. “Нива”ның товарлыклы-сөтчелек комплексы республика программасы буенча төзекләндерелде. Программа буенча биредә ике ферма капиталь ремонтланды, бозаулар туу корылмасына терәп алар өчен каралты сафка басты, ике фермада зур төзекләндерү эшләре башкарылды, бозаулар өчен тагын ике корылма төзелде. Сыер савучылар һәм бозау караучыларның хезмәте тагын да уңайлыланды. Фермаларда хәзер савылган сөт үткәргечләрдән китә, автомат суэчергечләр, транспортер, азык өстәле һәм башкалар сыер савучылар эшен шактый җиңеләйтә. Комплекска Сарсаз-Баграж, Димитрово, Поповка авыллары һәм Иске Зәйдән йөреп эшлиләр.