ЯҢАЛЫКЛАР

17 нче гыйнварьда Аксар авылы җирлегендә район башлыгы Р.Г.Кәримов катнашында халык җыены узды. Районыбызның 2016 елга социаль-икътисади үсеш нәтиҗәләре һәм 2017 елга куелган бурычлары белән авыл халкын Р. Г. Кәримов таныштырды. Аксар авылы җирлегендә ел дәвамында башкарылган эшләрнең торышы һәм алдагы елга планнаштырылган эшләр хакында авыл җирлеге башлыгы Ю.И.Гыйльманов сөйләде. Авыл халкының эшлекле активлыгын арттыру һәм кече хуҗалыкларны тагын да үстерү мөһимлеге турында район авыл хуҗалыгы һәм азык-төлек идарәсе башлыгы А.Н. Нургатаевич ассызыклады.

Район башлыгы Р.Г.Кәримов чираттагы атналык очрашуы вакытында “Зәй” агрофирмасының “Шепкә” бүлекчәсе, “Поручик” бүлекчәсенең тукландыру комплексы, “Зәй шикәре” агрофирмасы “Рассвет”, “Сәвәләй”, “Родина” бүлекчәләренең товар-сөтчелек фермаларында булды, шулай ук И.И. Әхмәтҗанов (кошчылык),М.М.Рәхимҗановның (эре мөгезле терлекләрне тукландыру) крестьян-фермерлык хуҗалыкларындагы эш барышын карады.

Кем өчендер 2017 елның 17 январе – календарьнең гап-гади көне, ә кем өчендер – көтеп алынган туй көне. Бүген безнең Зәй районы ГХАТ бүлегендә дүрт гаилә теркәлде. Алар үзләренең сөю хисләрен законлы никах җепләре белән беркетте. Яшь парларны ихлас күңелдән тәбрик итәбез! Тормышлары гомерле, бәхетле һәм матур булсын! Ә никах өчен сайланган көн аларга иң шатлыклы көн истәлеге булып калсын.

Бүген, "Татнефтедор" филиалы "Зәй автомобиль юллары идарәсе" җаваплылыгы чикләнгән җәмгыятендә, башкарма комитет җитәкчесе И. Ф. Хафизов катнашында хезмәт коллективы утырышы узды. Районның 2016 елдагы социаль-икътисади үсеше эшчәнлеге нәтиҗәләре белән коллективны башкарма комитет җитәкчесе И.Ф.Хафизов таныштырды. "Зәй автомобиль юллары идарәсе"нең еллык эш нәтиҗәләре белән директор вазыйфаларын вакытлыча башкаручы А.В.Ганске таныштырды. Киңәшмә барышында автопаркны яңарту вакытында башкарылган төзекләндерү эшләре һәм алдагы елда эшләнәсе эшләрнең планы билгеләнде. Җыелышта "Татнефтедор" ҖЧҖ директорының беренче урынбасары - баш инженер Рәшит Маратович Хәҗиповта катнашты.

Бүген шәһәр башлыгы урынбасары Е. В.Недошивина иҗтимагый территориаль үзидарә рәисләре белән берлектә киңәшмә үткәрде. Киңәшмәдә узган елда эшләнгән эшләргә нәтиҗә ясалды, 2017 елда эшләнәсе эшләрнең планы каралды. Киңәшмә барышында һәр иҗтимагый территориаль үзидарә җитәкчесе үз эше турында хисап тотты, үзләренең микрорайоннарында килеп туган проблемаларны чишү юллары буенча әңгәмә кордылар. Хәзерге вакытта микрорайоннарда узачак халык җыенарына әзерлек эшләре бара.

Бүген, Россия матбугаты көне уңаеннан узган очрашуда, матбугат өлкәсендә эшләүчеләрне Р.Г.Каримов исеменнән, район башлыгы урынбасары В.Г.Акатьев котлады. «Һөнәри бәйрәмегез – Россия матбугаты көне уңаеннан ихлас күңелдән чыккан котлауларыбызны кабул итегез. Бүгенге көнне массакүләм чараларыннан, басма матбугаттан башка күз алдына да китереп булмый . Бүген дә район массакүләм мәгълүмат чарасында үз эшенең осталары эшләвен билгеләп үтәргә кирәк. Кадерле дуслар! Һөнәри бәйрәмегез уңаеннан хезмәттәшлек итүегез, районда барган вакыйгаларны, социаль мөһим чараларны объектив яктыртканыгыз өчен рәхмәт сүзләрен кабул итеп алыгыз. Чын күңелдән сезгә илһам, даими иҗади эзләнү, яңа идеяләр һәм проектларны гамәлгә уңышлы куюыгызны телибез. Сезгә һәм якыннарыгызга бәхет һәм иминлек юлдаш булсын!» Киңәшмәдә мәгълүмат чаралары мөхәррирләре, хакимиятнең җаваплы хезмәткәрләре катнашты.

2017 ел Президент Владимир Путин карары нигезендә Россиядә Экология елы дип игълан ителде, ул бу хактагы Указга кул куйды. Шулай ук Татарстанда да Экология һәм иҗтимагый киңлекләр елы булачак. Бу хакта Татарстан Президенты Рөстәм Миңнеханов Дәүләт Советына еллык Юлламасында җиткерде. Зәй муниципаль районы башлыгы карары нигезендә Зәйдә Балалар һәм яшьләр елы дип игълан ителде.

12 гыйнварда Зәй муниципаль районының балигъ булмаганнар эшләре һәм аларның хокукларын яклау комииссиясенең беренче утырышы узды. Анда Зәй эчке эшләр бүлегеннән җибәрелгән, 12 административ хокук бозу очрагын үз эченә алган, 14 материал каралды. Гомүмән алганда, административ протоколлар ата-аналарның балаларын тиешенчә тәрбияләмәгән гаиләләргә карата төзелә.

Хөрмәтле матбугат хезмәткәрләре, матбугат ветераннары, хәбәрчеләр! Сезнге һөнәри бәйрәмегез – Россия матбугаты көне белән котлыйбыз! 1703 елның 13 гыйнварында Петр I указы белән “Ведомости” газетасының беренче саны дөнья күргән. Әлеге дата илебез журналистикасы үсеше тарихына истәлекле көн булып кереп калган. Россия матбугаты көнен мәгълүматны әзерләүчеләр белән бергә аны бастырып чыгаручылар һәм таратучылар да бәйрәм итә.Каләмегез үткен булсын, яңа иҗади уңышлар, һөнәри үсеш, тынычлык һәм сәламәтлек телибез.

Бүген район башлыгы Р. Г. Кәримов прокуратура органнарында эшләүчеләр белән очрашты һәм аларны һөнәри бәйрәмнәре- Россия Федерациясе прокуратура хезмәткәрләре көне белән котлады. Чара барышында озак еллар прокуратура органнарында хезмәт куйган Зәй шәһәре прокуроры урынбасары , юстиция киңәшчесе Ю.В.Мухановка, Зәй шәһәре прокуроры ярдәмчесе, кече юстиция киңәшчесе А.Ө. Абдуллиналарга Зәй муниципаль районы башлыгы Мактау грамоталары тапшырылды.