ЯҢАЛЫКЛАР

13 октябрьдә ирләр командалары арасында футбол буенча Татарстан Республикасы беренчелегенең соңгы туры узды. Беренче лига. Барлык уеннардан соң, Зәй шәһәренең «Барс» җыелма командасы 10 команда арасында 4 нче урынны алды. Команданың тренеры Халиков И. Р. 1 урын - «НКНХ» Түбән Кама шәһәре, 2 урын - «Труд» Чистай шәһәре, 3 урын - «Алабуга» Алабуга шәһәре

11-13 октябрь көннәрендә Казан шәһәрендә татарча көрәш буенча Татарстан Республикасы Авыл хуҗалыгы һәм азык-төлек министрлыгы призларына Авыл хуҗалыгы һәм эшкәртү сәнәгате хезмәткәрләре көненә багышланган XXIII шәхси-команда республика ярышлары узды.

Бүген Татарстан Республикасы Президенты Рөстәм Миңнеханов видеоконференция режимында чираттагы республика киңәшмәсен уздырды. Киңәшмәдә торак төзелеше һәм социаль объектларны төзү буенча республика программаларын гамәлгә ашыру, ТР муниципаль берәмлекләрендә юл эшләре, агросәнәгать комплексы  һәм Татарстанда кече һәм урта эшмәкәрлекне үстерү мәсьәләләре каралды.

«PROFF-навигатор» һөнәри ориентлашу проекты кысаларында мәшгульлек үзәге 8нче сыйныф укучылары өчен Зәй шәһәре предприятиеләренә экскурсияләр циклын башлады.

12 октябрьдә спорт-сәламәтләндерү комплексы бассейнында Татарстан Республикасының өлкән буын гражданнары арасында йөзү буенча «Өченче буын " ярышларының муниципаль этабы узды. Ярышларда 10 кеше катнашты. Хатын – кызлар арасында 1 урынны – Зыкова Галина, 2 урынны – Ларина Нина, 3 урынны - Никитина Евгения, ир-атлар арасында 1 урынны Мухин Борис яулады. 2018 елның 31 октябрендә Казанда ярышларның финал этабы узачак, анда Зәй муниципаль районы командасы да катнашачак.

«Зәй водоканалы” физик мөмкинлекләре чикле бала тәрбияләүче ата-ана өчен эш урыны оештырды. Хезмәт шартларын Зәй шәһәренең халык мәшгульлеге үзәге белгечләре бәяләде.

Зәй шәһәренең халык мәшгульлеге үзәге хезмәткәрләре 2019 нчы елның беренче яртыеллыгында басма матбугатка язылу кампаниясенә кушылды. Коллектив мобиль почта хезмәтеннән файдаланды. Татарстан почтасының Зәй шәһәрендәге бүлекчәсе хезмәткәре үзәккә килде. Мәшгульлек хезмәте белгечләр исә, үз чиратында, эш урынын калдырмыйча гына басма матбугатка языла алды. Үзәк хезмәткәрләре арасында махсуслаштырылган атналык басма, рус һәм татар телләрендә чыгучы республика һәм җирле район газеталары популяр. Мөмкинлектән файдаланып, кайберәүләр якыннарын да басма матбугатка яздырды. Гыйнвар аеннан аларның өйләренә газета-журналлар киләчәк. Зәй шәһәренең халык мәшгульлеге үзәге директоры Екатерина Андреева сүзләренчә, коллектив язылу кампаниясендә һәр яртыеллыкта актив катнаша. “Газета – сыйфатлы, тикшерелгән һәм ышанычлы мәгълүмат чыганагы. Редакцияләрдәге иҗади коллективның оператив хезмәте укучыларына район һәм республикадагы соңгы яңалыклардан хәбәрдар булырга ярдәм итә”, - дип белдерде ул.

Бүген районның Чыбыклы сөтчелек фермасында терлекчелек тармагының 9 айлык эшчәнлегенә йомгак ясалды. Киңәшмәдә район башлыгы Р.Г. Кәримов, авыл хуҗалыгы идарәсе башлыгы А.Н. Галиәхмәтов, агрофирма җитәкчеләре, зообелгечләре, ветеринарлар һәм башка авыл хуҗалыгы хезмәткәрләре катнашты. Аның эше Чыбыклы сөтчелек фермасы эшчәнлеге белән танышудан башланды. Чарада мөгезле эре терлекләр, шул исәптән сыерларның баш санын, савым сыерларның сөтчелеген арттыру кебек мөһим мәсьәләләр каралды.

Бу көзге чакырылышта Зәй районыннан барлыгы 10га якын солдатка озату планлаштырыла. Зәйдән 70 тән артык егет солдат булачак. Армиягә беренче тапкыр җибәрү 20 октябрьгә планлаштырылган. Соңгы озату 18 декабрьдә булыр дип көтелә. Хәзер егетләр медицина тикшерүе уза, шуннан соң аларга тиз арада контракт буенча яисә 1 ел хезмәт итүне сайларга туры киләчәк. Инде хәзер үк дүрт зәйле 1 еллык хезмәт урынына, контракт буенча 2 еллык түләүле хезмәтне сайлаганнар. Хәрби комиссариатта армиягә чакырылучылар һәм аларның әти-әниләре өчен инструктаж оештырыла: хәрби хезмәткәрләр килеп туган сорауларга җавап бирәләр, частькә килү тәртибен аңлаталар, хезмәт вакытында кирәк булырга мөмкин булган киңәшләрне бирәләр. Зәй егетләре нигездә Россиянең төрле : коры җир гаскәрләре, диңгез флоты, ракета һәм тимер юл гаскәрләрендә хезмәт итәчәкләр. Кагыйдә буларак, 3 кеше Зәй районының шефлыкка алынган өлешендә - Әстерхан өлкәсендә солдат хезмәтен үтәргә җыена.

Зәй муниципаль районы “Шатлык” халыкка социаль хезмәт күрсәтү үзәгендә, сәламәтлекләре чикле булган балалар тәрбияләүче әниләр өчен, “Ачык йөрәкләр” программасын тормышка ашыру дәвам итә. Программаның максаты - сәламәтлекләре чикле булган балалар тәрбияләүче гаиләләргә социаль ярдәм күрсәтү, әти-әниләргә өй шартларында тәрбия һәм коррекция процессын оештыруда ярдәм итү, баланың үсешенә уңай йогынты ясарлык психологик климат тудыру.Әти-әниләргә ярдәм төрле формаларда күрсәтелеп, авыру баланың психологик үзенчәлекләре, аңа булган караш, тәрбиядә гаиләнең роле кебек сораулар карала. Гаиләдә уңай мөһиткә ничек ирешү кебек актуаль темалар коммуникатив тренинглар аша өйрәнелә. 2018 елның 5 октябрендә әлеге программа кысаларында социаль хезмәтләр кабул итүчеләр өчен юридик консультация оештырылды. Бу чара түгәрәк өстәл рәвешендә узды. Катнашучылар яшәү шартлары, торак һәм дарулар белән тәэмин ителеш турында сораулар күтәрделәр. Үзәк белгечләре белән аралашып әти-әниләр үзләрен кызыксындырган күп кенә сорауларга җавап таптылар, ә психологның киңәшләре киләчәк тормышка өмет белән карарга, үз көчләренә ышанычны арттырырга зур ярдәм булды.