Зәй командасы татарча көрәш буенча Авыл хуҗалыгы һәм эшкәртү сәнәгате хезмәткәрләре көненә багышланган XXIII шәхси-команда республика ярышларында 2 нче урынны яулады

11-13 октябрь көннәрендә Казан шәһәрендә татарча көрәш буенча Татарстан Республикасы Авыл хуҗалыгы һәм азык-төлек министрлыгы призларына Авыл хуҗалыгы һәм эшкәртү сәнәгате хезмәткәрләре көненә багышланган XXIII шәхси-команда республика ярышлары узды. Быел ярышларда Татарстан шәһәр һәм районнарыннан 45 команда составында 300 дән артык спортчы катнашты. Алар 7 авырлык категориясендә бил алыштылар. Кәлимуллин Ренас үз төркемендә батыр калды, Хәмитов Эльдар һәм Сәлахов Радик көмеш медаль яуладылар, Хәмидуллин Зөлфәт һәм Павлик Сергей бронза медальгә лаек булды. Зәй муниципаль районы командасы 2 нче урынга чыкты.