Зәй шәһәрендә 8нче сыйныф укучылары өчен «PROFF-навигатор» һөнәри ориентлашу проекты кысаларында экскурсияләр циклы башланды

«PROFF-навигатор» һөнәри ориентлашу проекты кысаларында мәшгульлек үзәге 8нче сыйныф укучылары өчен Зәй шәһәре предприятиеләренә экскурсияләр циклын башлады. Ел ахырына кадәр 6 предприятиегә барлыгы 24 экскурсия оештыру планлаштырыла, алар – “Татэнерго” АҖ филиалы – Зәй ГРЭСы, “Зәй икмәге” ҖЧШ, “ТатЭК” ҖЧШ, “Зәй крекеры” кондитер фабрикасы” ҖЧШ, "Аккурайд Уилз Руссиа" ҖЧШ, "Нива" ҖЧШ. Экскурсияләргә барлыгы 400ләп укучы җәлеп ителәчәк. 10 октябрьдә “ТатЭК” ҖЧШенә экскурсия оештырылды, биредә укучылар блоклы трансформатор станцияләре, аларны җыю процессы белән танышты. Аннан соң укучылар мәшгульлек үзәгендә үзләренең булачак һөнәрләрен билгеләү буенча һөнәри ориентлашуда тест сорауларына җавап бирделәр, аларга хезмәт базарында нинди һөнәрләргә ихтыяҗ барлыгы һәм эшче һөнәрләренә сорауның үсә баруы турында аңлатылды. Соңыннан укучылар киләчәктә зур ихтыяҗ булачак һөнәрләр турында фильм карады.