Бүген Чыбыклыда терлекчелек тармагының 9 аена йомгак ясалды

Бүген районның Чыбыклы сөтчелек фермасында терлекчелек тармагының 9 айлык эшчәнлегенә йомгак ясалды. Киңәшмәдә район башлыгы Р.Г. Кәримов, авыл хуҗалыгы идарәсе башлыгы А.Н. Галиәхмәтов, агрофирма җитәкчеләре, зообелгечләре, ветеринарлар һәм башка авыл хуҗалыгы хезмәткәрләре катнашты. Аның эше Чыбыклы сөтчелек фермасы эшчәнлеге белән танышудан башланды. Чарада мөгезле эре терлекләр, шул исәптән сыерларның баш санын, савым сыерларның сөтчелеген арттыру кебек мөһим мәсьәләләр каралды.