ЯҢАЛЫКЛАР

Бүген район Башкарма комитеты җитәкчесе Илнар Фәнил улы Хафизов ишегалларын кардан һәм боздан чистарту эшенең барышын карап чыкты. Әлеге чарада, район Башкарма комитеты җитәкчесе белән берлектә, аның инфраструктура үсеше буенча урынбасары Николай Нифатов, Зәй шәһәре Башкарма комитеты җитәкчесе Сергей Максимов, торак милекчеләре ширкәте һәм идарәче компания җитәкчеләре катнашты. Тикшерү нәтиҗәләре буенча, район Башкарма комитеты җитәкчесе Илнар Фәнил улы Хафизов ишегалды территорияләрендә, күп катлы йортлар һәм подъезд түбәләрендә кар җыелуны булдырмау буенча йөкләмәләр бирде.

Шәһәребездә яшәүче инвалидлар Минсара Миннеәхмәтова һәм Анна Кушникова  бүләкне депутат ярдәмчесе Алсу Гамирҗанова кулыннан алды. Алар өчен ул чын мәгънәсендә бәйрәм булды. Чөнки инвалидлар алдында бакчада тәрбияләнүче сабыйлар да чыгыш ясады.
-Шәһәр-районыбызда социаль хезмәтләрдән файдаланучы 182 кеше бар, шуларның 44е –инвалид. Аларның 23е –авылларда, 21е шәһәрдә яши. Инвалидларны ел саен сөендереп торган өчен Айрат Хәйруллинга без зур рәхмәтле, - ди социаль яклау бүлеге башлыгы Эльмира Хуҗина.

Әни-ул безнең тормышта иң төп кеше. Нәкъ менә әни кеше баласының   беренче көннәреннән генә түгел, ә карынында йөрткән вакыттан ук кайгырта. Шуңа күрә  Әниләр  Көне - ул гади бәйрәм генә түгел. Бу көнне без иң кадерле һәм яраткан кешеләрне котлыйбыз.

Ә мөмкинлекләре чикләнгән балалар тәрбияләүче әниләрнең тормышы аеруча ихтирамга лаек. Аларның балалары сәламәтлеге өчен куйган көндәлек тырышлыклары - бу гади хезмәт кенә түгел,шуңа күрә бу герой әниләргә  аерым  игътибар бирергә кирәк.

28 ноябрь көнне "Шатлык" халыкка комплекслы социаль хезмәт күрсәтү  үзәгендә «Үз-үзеңә юл» клубы әгъзалары бу матур бәйрәмне билгеләп үттеләр. Алар өчен әкият терапиясе дәресе оештырылды, аның барышында әниләр бик күп уңай эмоцияләр алдылар. Соңыннан кунаклар  эмоциональ бушану бүлмәсен карадылар, анда рәхәтләнеп ял итә алдылар, борчылу һәм тискәре хис-кичерешләрдән арындылар. Соңыннан клубта катнашучылар өчен чәй өстәле оештырылды.

Һәр әни үзенең физик яктан гына түгел, эмоциональ яктан да сәламәт булырга кирәклеген онытмаска тиеш! Чөнки сәламәт һәм шат күңелле әни генә балага үзенең бөтен мәхәббәтен һәм җылысын бирә ала.

Бүген районда Зәй муниципаль районы Советының бюджет-финанс мәсьәләләре, икътисадый үсеш һәм муниципаль милек буенча даими комиссияләре, экология, җир мәсьәләләре, торак-коммуналь хуҗалык һәм транспорт, законлылык, регламент, җирле үзидарә һәм депутат этикасы буенча утырышлары узды. Комиссия эшендә Зәй муниципаль районы башлыгы урынбасары Валерий Григорьевич Акатьев, Зәй шәһәре һәм район Советы һәм Башкарма комитетының җитәкче һәм җаваплы хезмәткәрләре, авыл җирлекләре башлыклары, район палаталары рәисләре, дәүләт органнары, предприятие, иҗтимагый оешмалар һәм массакүләм мәгълүмат чаралары вәкилләре катнашты. Утырыш барышында, даими комиссия әгъзалары тарафыннан Зәй муниципаль районы Советының чираттагы утырышына чыгару өчен карар проектлары каралды.

Елның салкын вакыты һәм җылыту сезоны башлану белән бәйле рәвештә, гражданнарның, шул исәптән балигъ булмаган балаларның кышкы спорт төрләре һәм уеннар белән шөгыльләнү нәтиҗәсендә сәламәтлегенә зыян китерү һәм аларның һәлак булу куркынычы арта (шул исәптән боз белән капланган сулыклар өслегендә, текә тауларда һәм шуңа охшаш урыннарда). Кышкы чорда шулай ук биналар түбәләреннән кар һәм боз төшү, бозлавык вакытында травма алу, салкын тию һәм башка авырулар таралу, бүлмәләрне җылытканда төзек булмаган җылыту приборларыннан файдалану һәм янгын куркынычсызлыгы кагыйдәләрен бозу да бәхетсезлек очрагына китерергә мөмкин.

«Татарстан Республикасында (Татарстан) гигиена һәм эпидемиология үзәге» федераль бюджет сәламәтлек саклау учреждениесенең Зәй филиалы бүлеге тарафыннан Әлмәт, Зәй, Лениногорск районнарында 2018 елның 28 ноябреннән 2018 елның 8 декабренә кадәр ВИЧ-инфекцияне профилактикалау мәсьәләләре буенча «кайнар линия» оештырылды. Консультацияне көн саен 8.00 дән 12.00 гә кадәр; 13.00 дән 17.00 гә кадәр 8 (85558) 7-22-75, 7-22-77 телефоннары буенча ала аласыз.

2018 нчы елның 30 ноябрь көнне  Зәй муниципаль районы ГХАТ бүлегенең тантаналар залында икенче һәм өченче балалары туган биш гаиләгә  Ана капиталы сертификатлары тапшырылды. Бәйрәмдә сабыйлар туган гаиләләргә якты киләчәк, кайгы-хәсрәтсез көннәр теләп котлау сүзләре әйтелде, бәхетле әти-әниләрне киләчәк бәйрәм белән Зәй муниципаль районы ГХАТ бүлеге мөдире Гөлфия Валишина  котлады.

28 ноябрь көнне район мәдәният йортының тамаша залында "Туган авыл җырлый"дип аталган район хор коллективлары һәм ансамбльләренең фестиваль-конкурсы узды. Фестиваль кысаларында халык фольклор коллективы "Утырма" йоласын күрсәтте, Бохаровлар гаилә ансамбле, хор, "Сөмбелә" вокаль татар ансамбле, "Карамельки" балалар вокаль ансамбле, "Заиночка"рус вокаль ансамбле чыгыш ясады.

28 ноябрь көнне Югары Мәлем мәдәният йортында мәдәният хезмәткәрләренең " Театр куелышы формалары” темасына семинары булып узды. Семинар программасы бик бай төзелгән иде. Анда катнашучыларны фойеда спектакль геройлары каршы алды. Сәхнәдә Югары Мәлем мәдәният йорты үзешчәннәре төрле театраль спектакльләрдән өзекләр күрсәттеләр. Авыл мәдәният йорты директоры Лилия Дамир кызы Сыйбгатуллина “Югары Мәлем мәдәният йорты тәҗрибәсендә театр куелышы формалары"дигән темага чыгыш ясады. Район мәдәният йорты директоры, Татарстанның атказанган артисты Сыйбгатуллин Фикрәт Рәфыйк улы грим салу һәм төрле жанрдагы спектакльләр кую буенча мастер-класслар үткәрде.

Республикабызда ел саен хәйрия эшчәнлеге мәсьәләләре буенча #Юмарт сишәмбе дигән республика акциясе үткәрелә. Быел да әлеге акция барышында Зәй муниципаль  районының  “Шатлык” Комплекслы  халыкка социаль ярдәм күрсәтү үзәгенең гаилә һәм балалар белән эшләү бүлеге белгечләре, “Волонтерлар” ирекле хәрәкәте белән берлектә “Күңелле тарак”, - дип исемләнгән акция уздырдылар.

Акция кысаларында  27 ноябрь көнне, шәхси әшмәкәр, парикмахер Г.С. Данилова мөмкинлекләре чикләнгән балаларга хезмәт күрсәтте, аларның чәчләрен кисеп, прическа ясады. Галина моны бернинди түләүсез, күңеле кушуы буенча эшли. "Чәчләрен кисеп, матурлап ясагач, сабыйлар шундый сөенә. Алар бит шундый - эчкерсезләр, ихласлар. Мин аларга рәхәтләнеп хезмәт күрсәтәм. Мохтаҗларга игътибарыбызны, җылы сүзебезне кызганмасак иде",- ди Галина .