“Театр куелышы формалары” темасына мәдәният хезмәткәрләре семинары үтте

2018 елның 29 ноябре, пәнҗешәмбе

28 ноябрь көнне Югары Мәлем мәдәният йортында мәдәният хезмәткәрләренең " Театр куелышы формалары” темасына семинары булып узды. Семинар программасы бик бай төзелгән иде. Анда катнашучыларны фойеда спектакль геройлары каршы алды. Сәхнәдә Югары Мәлем мәдәният йорты үзешчәннәре төрле театраль спектакльләрдән өзекләр күрсәттеләр. Авыл мәдәният йорты директоры Лилия Дамир кызы Сыйбгатуллина “Югары Мәлем мәдәният йорты тәҗрибәсендә театр куелышы формалары"дигән темага чыгыш ясады. Район мәдәният йорты директоры, Татарстанның атказанган артисты Сыйбгатуллин Фикрәт Рәфыйк улы грим салу һәм төрле жанрдагы спектакльләр кую буенча мастер-класслар үткәрде.