ЯҢАЛЫКЛАР

Бүген Агросәнәгать паркында чираттагы авыл хуҗалыгы ярминкәсе узды. Анда җирле фермерлар һәм башка товар җитештерүчеләр продукциясе (яшелчә, җиләк-җимеш, кондитер эшләнмәләре, агачлар һәм үсентеләр) кыйммәт булмаган бәяләрдән тәкъдим ителде. Шулай ук концерт программасы да оештырылган иде.

Бүген Үзәк балалар китапханәсе хезмәткәрләре Ялчыгол скверында балалар белән, уен формасында юл билгеләре һәм юлда үз-үзеңне тоту кагыйдәләре белән таныштылар, табышмаклар да әйтелде. Алар зур кызыксыну белән, юллардагы төрле хәлләрне чишүдә актив катнаштылар, юл хәрәкәте кагыйдәләрен яхшы белүләрен күрсәттеләр, викторина сорауларына дөрес җавап бирделәр. Барысы да рәхәтләнеп «Урмандагы һәлакәт»дигән курчак тамашасын карадылар. Балаларны шулай ук, алар кагыйдәләрне җентекләп белә ала торган китаплар белән таныштырдылар.Әлеге чара дәвамында скверда күңелле музыка һәм балалар көе яңгырап торды, ә үтеп баручылар балалар уеннарына һәм аларның шатлыклы йөзләренә карап елмайдылар.

Зәйдә Җиңү көненә багышланган "Яшьләр геройларны хәтерли" интерактив мәйданчыгы эшләде. Шулай ук "Забота" иреклеләр хәрәкәте волонтерлары традиция буенча Бөек Ватан сугышы ветераннарына Җиңү көне символы булган Георгий тасмаларыда өләштеләр һәм аларны озатып йөрделәр.

Әлеге проект безнең шәһәрдә 3 тапкыр тормышка ашырыла. Ветераннар һәм сугыштан кайтмаган барлык кешеләр истәлегенә зәйлеләр сугыш тәмамланганнан соң һәр тыныч көн өчен 27028 тапкыр кулга таянып җирдән күтәрелү һәм төшүне тәкъдим итәләр. Акциядә район башлыгы Разиф Кәримов һәм шәһәр прокуроры Ринат Кәримов, эшче яшьләр, шәһәр һәм район мәктәпләре укучылары катнашты.

9 май көнне "Энергетик" мәдәният йорты каршындагы мәйданда бәйрәм концерты булды. Зәйлеләр һәм шәһәр кунаклары өчен сәхнәдә төрле башкаручылар чыгыш ясады. Башта тамашачылар «Бөек көн!», Бөек Җиңү!»,- дип исемләнгән бәйрәм концертын карадылар. Аннары «Визит» төркеме чыгыш ясады. Вокал-хореография ансамбльләре яшь башкаручыларын, «Азаль» һәм «Мирас» коллективларының «Созвездие»-«Йолдызлык-2019» фестивалендә җиңүчеләрен тамашачылар җылы каршы алды. Аннары алар игътибарына «Җиңүле май» исеме астында концерт тәкъдим ителде. Нәкъ 21.45 тә мәйданда тыныч күк өчен гомерләрен биргән- һәлак булган сугышчылар истәлегенә багышланган «Хәтер шәме» акциясе узды. Җиңү көненә багышланган тантаналы чаралар бәйрәм салюты белән тәмамланды.

9 май көнне Бөек Ватан сугышында Җиңүнең 74 еллыгын бәйрәм итү кысаларында, Зәй шәһәренең гомуми белем бирү оешмалары укучылары арасында «Җиңү Кубогы» на «Аҗаган-2019» хәрби-спорт уены узды. Уенның максатлары һәм бурычлары: яшь буынга патриотик тәрбия бирү, сәламәт яшәү рәвешен пропагандалау, егетләрне армия хезмәтенә әзерләү, иң көчле командаларны ачыклау иде. Ярышлар программасы 6 этапта үтте: 1. Аяк-кул сынган вакытта беренче медицина ярдәме күрсәтү. Зыян күрүчене 50 метрга күчерү, (бөтен команда). 2. Тездән мишень буенча граната ыргыту. Ераклык 20 метр. Граната авырлыгы 500 гр., (бөтен команда). 3. Противогаз кию һәм зарарланган җирлектә 100 метрны үтү, (бөтен команда). 4. Калашников автоматын җыю һәм сүтү. Һәр катнашучы сүтә, аннары команда җыя, (исәп гомуми башкару вакыты буенча). 5. Миналы басуны урнаштыру.(6 катнашучы, егетләр, эстафета). Барлык ярыш нәтиҗәләре буенча урыннар түбәндәгечә бүленде: 1 урын -7нче һәм 2нче мәктәп; 2 урын - 3нче һәм 1нче мәктәп; 3 урын-6нчы һәм 4нче мәктәп укучылары, барлык катнашучылар да грамоталар белән бүләкләнделәр.

9 майда «Энергия» стадионында шәһәрнең гомуми белем бирү мәктәпләре һәм предприятиеләре, оешмалары һәм учреждениеләре командалары арасында Бөек Ватан сугышында Җиңүнең 74 еллыгына багышланган традицион җиңел атлетика эстафетасы узды. Эстафета ачылу тантанасында Зәй муниципаль районы Башкарма комитеты җитәкчесе И. Ф. Хафизов һәм Башкарма комитет җитәкчесе урынбасары А. В. Чапков катнашты. Гомуми белем бирү мәктәпләре командалары арасында җиңүчеләр һәм призерлар: 1 урын – 4нче мәктәп, 2 урын – Р. Ш. Фәрдиев исемендәге татар гимназиясе, 3 урын – 7 нче мәктәп командасы. Предприятие, оешма һәм учреждениеләр командалары арасында җиңүчеләр һәм призерлар: 1 урын – Зәй ГРЭСы, 2 урын – 4 нче һәм 7 нче урта мәктәп, 3 урын – Зәй политехника көллияте командасы булды. Бүләкләү тантанасында шулай ук уку елы дәвамында үткәрелгән гомуми белем бирү мәктәпләренең 7-11 сыйныф укучылары командалары арасында баскетбол буенча шәһәр Кубогы җиңүчеләренә һәм призерларына кубоклар тапшырылды: 1 урын – 7 нче мәктәп , 2 урын - Р. Ш. Фәрдиев исемендәге татар гимназиясе, 3 урын – 1 нче мәктәп командасы. Җиңүчеләр һәм призерлар шулай ук грамоталар, медальләр һәм кубоклар белән бүләкләнделәр. Ярышларда барлыгы 7 гомуми белем бирү мәктәбе һәм 9 шәһәр предприятиесе һәм учреждениеләре командалары катнашты.

Бүген Зәйдә Бөек Ватан сугышында Җиңүнең 74 еллыгын бәйрәм итү кысаларында ел саен үткәрелә торган «Үлемсез полк» йөреше узды.

9 майда «Энергия» стадионында шәһәрнең гомуми белем бирү мәктәпләре һәм предприятиеләре, оешмалары һәм учреждениеләре командалары арасында Бөек Ватан сугышында Җиңүнең 74 еллыгына багышланган традицион җиңел атлетика эстафетасы узды. Эстафета ачылу тантанасында Зәй муниципаль районы Башкарма комитеты җитәкчесе И. Ф. Хафизов һәм Башкарма комитет җитәкчесе урынбасары А. В. Чапков катнашты. Гомуми белем бирү мәктәпләре командалары арасында җиңүчеләр һәм призерлар: 1 урын – 4нче мәктәп, 2 урын – Р. Ш. Фәрдиев исемендәге татар гимназиясе, 3 урын – 7 нче мәктәп командасы. Предприятие, оешма һәм учреждениеләр командалары арасында җиңүчеләр һәм призерлар: 1 урын – Зәй ГРЭСы, 2 урын – 4 нче һәм 7 нче урта мәктәп, 3 урын – Зәй политехника көллияте командасы булды. Бүләкләү тантанасында шулай ук уку елы дәвамында үткәрелгән гомуми белем бирү мәктәпләренең 7-11 сыйныф укучылары командалары арасында баскетбол буенча шәһәр Кубогы җиңүчеләренә һәм призерларына кубоклар тапшырылды: 1 урын – 7 нче мәктәп , 2 урын - Р. Ш. Фәрдиев исемендәге татар гимназиясе, 3 урын – 1 нче мәктәп командасы. Ярышларда барлыгы 7 гомуми белем бирү мәктәбе һәм 9 шәһәр предприятиесе һәм учреждениеләре командалары катнашты.

"Җиңү безнең йөрәкләрдә". Азатлык китерүче солдат һәйкәле янында узган тантаналы митинг шулай аталган иде. Ул «Без илне бергә күтәрдек» театральләштерелгән тамашасы белән ачылды.