ЯҢАЛЫКЛАР

Бүген «Давыдов-Арена» боз сараенда Р.Ш. Фәрдиев истәлегенә көрәш буенча бөтенроссия ярышларын ачу тантанасы булды. Турнир Бөтенроссия статусында җиденче тапкыр уза һәм анда Россия Федерациясенең 4 төбәгеннән, Татарстан Республикасының 25 район һәм шәһәреннән 287 спортчы катнаша.

Бүген администрациянең кече залында наркотикларга каршы комиссия утырышы булды. Утырышны район башлыгы урынбасары П.С. Уразайкин алып барды. Комиссиянең алдагы утырышы йомгаклары буенча карарларның үтәлешенә анализ белән Яшьләр эшләре идарәсе җитәкчесе Шәрәфиева Гүзәл Махияновна чыгыш ясады.

Бүген Казанда Татарстан Республикасы Рәисенең ТР Дәүләт Советына еллык Юлламасы узды. Тантаналы чарада район башлыгы Р.Г. Кәримов җитәкчелегендәге Зәй делегациясе дә катнашты.

Бүген 7нче мәктәп базасында талантлы режиссер, композитор һәм автор – башкаручы, Татарстанның атказанган артисты Ильяс Халиков җитәкчелегендә «Минбар» театрының «Аклыкка илтсен юллар» әдәби–музыкаль спектакле күрсәтелде. Тамашачылар районыбыз мәктәпләренең югары сыйныф укучылары, укытучылары һәм балалар бакчасы тәрбиячеләре булды.

Үз эшегезне башлыйсызмы? «Җиңел старт» микрофинанс продукты эшмәкәрлек дөньясына тиз һәм ышанычлы керергә ярдәм итәчәк! Шартлары: ➡️Суммасы: 300 000 – 3 000 000 ₽ ➡️Вакыты: 3 – 36 айдан ➡️Ставкасы: 8% еллык. Кем алырга мөмкин: Татарстанда теркәлгән һәм 23 айга кадәр эшләүче МСП субъектлары Төп эшчәнлек төре: авыл хуҗалыгы, төзелеш, транспорт, сәламәтлек саклау, мәдәният, спорт, ремонт һәм шәхси хезмәтләр күрсәтү тармаклары;

Бүген хакимият бинасының кече залында район башлыгы Р.Г. Кәримов рәислегендә Республика маркетинг үзәге мәйданчыгындагы эш турында фикер алышу буенча киңәшмә узды.

Бүген «Кадрлар» милли проекты кысаларында Зәй районы буенча Татарстан Республикасы кадрлар үзәге Зәй политехник көллиятенең Карьера үзәге белән берлектә студентлар өчен Татмедиа филиалы — «Зәй Информ»га экскурсия оештырды.

Сөббух Рәфыйков исемендәге үзәк китапханәдә шагыйрь, әдәбият белгече һәм композитор Рамил Сарчин белән очрашу булды. «Йөрәгеңә үткәр» исемле музыкаль-шигъри кичә чын әдәбият сөючеләр залын җыйды.

Казан районара табигатьне саклау прокуратурасы Коррупциягә каршы көрәш турындагы законнарның үтәлешен тикшерде.

9 октябрьдән 11 октябрьгә кадәр Казанда Россиянең атказанган спорт мастеры Шамил Садриев истәлегенә 16 яшькә кадәр яшүсмерләр арасында ирекле көрәш буенча ачык республика ярышлары узды. Ярышларда Идел буе федераль округы командаларыннан 200дән артык спортчы катнашты.