Зәйдә өлкән яшьтәге авыл халкы диспансеризация узуын дәвам итә

Зәй шәһәренең «Радость» комплекслы үзәге Зәй үзәк район хастаханәсе белән ведомствоара хезмәттәшлек нигезендә авыл җирендә яшәүче 65 яшьтән өлкәнрәк гражданнарга диспансеризация үткәрүне оештыра. Әлеге чара «Дәвамлы һәм актив тормыш» милли проекты кысаларында гамәлгә ашырыла. Күп кенә өлкән яшьтәге гражданнар сәламәтлек белән бәйле проблемалар яки транспорт булмау аркасында медицина учреждениеләренә мөстәкыйль йөрүдә кыенлыклар кичерә. Өлкәннәрне махсус машинада алып килү әлеге кыенлыкларны җиңәргә ярдәм итә һәм медицина хезмәтләреннән тигез файдалануны тәэмин итә. Диспансеризация авыруларны иртә стадияләрдә ачыкларга мөмкинлек бирә, бу дәвалауның нәтиҗәлелеген сизелерлек арттыра һәм катлауланулар куркынычын киметә. 2025 елда Зәй үзәк район хастаханәсендә шушындый ярдәмнән районыбыз авылларында яшәүче 900 өлкән кеше файдаланган, аларның 70е- инвалидлар. 2026 елда тагын 850 кеше диспансерлаштыру өчен алып килү планлаштырыла.