ЯҢАЛЫКЛАР

Бүген Зәй районында «Россия чаңгы юллары» XL Бөтенроссия массакүләм чаңгы ярышлары кысаларында «Татарстан чаңгы юлы — 2022» республика массакүләм ярышлары уза. Быел шәһәрдә чара ике мәйданчыкта оештырылды: мәктәпкәчә учреждениеләрдә тәрбияләнүчеләр һәм 1-8 сыйныф укучылары өчен «Энергия» стадионында, 9-11 сыйныф укучылары, политехник колледж студентлары, шәһәр предприятиеләре, оешмалары һәм учреждениеләре коллективлары, пенсионерлар өчен яңа шәһәр микрорайонының урман массивында чаңгы трассасында узды.

Бүген «Энергетик» мәдәният сарае каршындагы мәйданда чираттагы, сезон башыннан унтугызынчы авыл хуҗалыгы ярминкәсе узды. Ярминкәдә Агросәнәгать паркының һәм җирле җитештерүчеләрнең авыл хуҗалыгы продукциясенең киң ассортименты тәкъдим ителде. Шәһәр халкына Вера Савгильдина, Алексей Кузнецов, Илдар Сәгыйтов фермер хуҗалыклары, Бигеш, Бохарай, Яңа Спас, Якты Күл авыл җирлекләре үз продукцияләрен тәкъдим итте.

2022 ел Татарстан Республикасында цифрлаштыру елы дип игълан ителде. Шул уңайдан бүген музей хезмәткәрләре 1 нче мәктәпнең 8 «Б» сыйныф укучылары өчен «Цифрлаштыру белән танышу» дип исемләнгән тарих сәгате үткәрделәр.

«Татарстан Республикасында (Татарстан) гигиена һәм эпидемиология үзәге» ФБУЗның Әлмәт филиалы Зәй районы һәм Зәй шәһәре халкына мәгълүмат бирү максатыннан, 2022 елның 07 февраленнән 18 февраленә кадәр чорда парфюмерия-косметика продукциясенең сыйфаты һәм куркынычсызлыгы мәсьәләләре буенча «кайнар линия» үткәрә.

Татарстан Республикасы Сәламәтлек саклау министрлыгының авыл җирендә яшәүче 65 яшьтән өлкәнрәк затларны социаль хезмәт күрсәтү үзәкләренең автотранспорты белән медицина оешмаларына алып килү, санитария-эпидемиологик вәзгыять яхшырганчыга кадәр кичектерелде.

2022 елда Татарстан Республикасында Кеше хокуклары буенча вәкаләтле вәкилнең дәүләт органнары җитәкчеләре белән гражданнарны бергәләп кабул итү практикасы дәвам итә.

9-13 февральдә «Ялта-Зәй» спорт әзерлеге үзәгендә атказанган спорт мастеры Ф.П. Симашев призына чаңгы буенча Бөтенроссия ярышлары уза.

Зәй муниципаль районының шәһәр төзелеше Советы тарафыннан автовокзал территориясен алга таба файдалану буенча ачык тавыш бирү үткәрү турында карар кабул ителде.

Өй шартларында коронавирус йогышын профилактикалау өчен: өйгә кайткач кулларыгызны яки кул киемнәрегезне спирт булган антисептик белән эшкәртегез.

Татарстан Республикасы Хезмәт, мәшгульлек һәм социаль яклау министрлыгы «Хезмәтне саклау Актионы» төркеменең Россия Федерациясе Хезмәт һәм социаль яклау министрлыгы һәм хезмәт һәм мәшгульлек буенча Федераль хезмәт ярдәме белән, 2022 нче елда хезмәтне саклау буенча белгечләр өчен Бөтенроссия олимпиадасын (алга таба - Олимпиада) үткәрүе турында хәбәр итә.