65 яшьтән өлкәннәрне вакцинацияләү дәвам итә

Татарстан Республикасы Сәламәтлек саклау министрлыгының авыл җирендә яшәүче 65 яшьтән өлкәнрәк затларны социаль хезмәт күрсәтү үзәкләренең автотранспорты белән медицина оешмаларына алып килү, санитария-эпидемиологик вәзгыять яхшырганчыга кадәр кичектерелде. Яңа коронавирус инфекциясенә (COVID-19) каршы вакцинация үткәрү урыннарына бару очраклары искәрмә булып тора. Район үзәк хастаханә җитәкчелеге 65 яшьтән өлкәнрәк яшьтәге гражданнарның башка пациентлар белән элемтәсен булдырмас өчен, Мирный бистәсенең шәһәр яны амбулаториясендә өлкән яшьтәге кешеләр өчен аерым вакцинация пункты ачу турында карар кабул итте. Зәй үзәк район хастаханәсе һәм «Шатлык» халыкка социаль хезмәт күрсәтү үзәге арасында җайга салынган ведомствоара багланышлар нәтиҗәсендә, әлеге бистәдә яшәүче өлкәннәргә уңайлы шартларда COVID-19 га каршы прививка ясату мөмкинлеге булдырылды, шул ук вакытта хастаханәгә температура белән килүчеләр белән турыдан-туры элемтәгә керү мөмкинлеге дә бетерелде.