ЯҢАЛЫКЛАР

24 февральдә 4 нче мәктәптә район мәгариф өлкәсендә эшләүчеләрнең кышкы Спартакиадасының муниципаль этабы узды. Чараны район Башкарма комитет җитәкчесе урынбасары, мәгариф идарәсе башлыгы С.А.Кузнецов ачты. Ярыш, чаңгыда ярышу, баскетбол, канат тарту кебек спортның күп төрләрен үз эченә алган иде. Барлык төр ярышлар буенча призерлар һәм җиңүчеләр билгеләнде. Шәһәр мәктәпләре арасында 1 нче урынга-7 нче, 2 нче урынга-4 нче, 3 нче урынга Р.Ш.Фәрдиев исемендәге татар гимназиясе, 4нче урынга-1 нче, 5 нче урынга-2 нче, 6 нчы урынга -6 нчы,7 нче урынга -5 нче, 8 нче урынга - 9 нчы мәктәпләр лаек булды. Авыл мәктәпләре арасында 1 нче урынны Сарсаз-Баграж, 2 нче урынны Кадер, 3 нче урынны Якты Күл, 4 нче урынны Поручик, 5 нче урынны Югары Мәлем, 6нчы урынны Сәвәләй, 7 нче урынны Чыбыклы, 8 нче урынны Төги, 9 нчы урынны Түбән Биш, 10 нчы урынны Бигеш, 11 нче урынны Югары Шепкә мәктәпләре алды.

22 нче февральдә “Тиремкәй” балалар бакчасында Зәй халыкны эш белән тәэмин итү үзәге белгечләре “Мастер Градка” сәяхәт дип аталган чара үткәрде. Үзәк белгечләре балаларга һөнәр төшенчәсен җентекләп аңлаттылар. Балалар исә үзләре белгән күп төрле һөнәр ияләрен атадылар, әти-әниләренең эш-гамәлләре һәм үзләренең үсеп җиткәч нинди һөнәр сайлаячаклары турында сөйләделәр, мультсериал карадылар.

Зәй-тарихи бай шәһәр.Узган елларда булган күп төрле вакыйгалар халкыбыз һәм тарихчыларыбызның хәтерендә һаман да саклана. Шәһәребезнең күп урамнары танылган якташларыбызның исемен йөртә.25 нче февральдә туган якны өйрәнү музеенда үткән чарада балалар үзләре яши торган Зәй төбәгенең тарихын яхшы белүләрен тагын бер кат күрсәттеләр. Анда 1 нче мәктәпнең 6 сыйныф балалары катнашты. Чарада катнашучы зирәк балаларга Рәхмәт хатлары тапшырылды.

24 февральдә Аксар авылы мәктәбендә “Аксар батырлары” призына көрәш буенча ачык республика турниры узды. Ярышларда республиканың Зәй, Актаныш, Азнакай, Кукмара, Яр Чаллы, Карабаш, Кама Аланы һәм башка шәһәрләреннән 82 көрәшче катнашты. Ярышны район башлыгы Р.Г.Кәримов тантаналы төстә ачты. Анда көрәш батырлары һәм турнир спонсорлары да җыелган иде. Командалар арасында Зәй районы беренче,Актаныш районы икенче, Азнакай районы өченче урынга лаек булды.

1 нче мартта Зәйдә халыкны кабул итү оештырылачак. Очрашу «БЕРДӘМ РОССИЯ» сәяси партиясенең иҗтимагый кабул итү бүлмәсендә: Зәй шәһәре,Чапаев урамы,1 йортта (үзәк китапханә бинасы) узачак. Анда халыкны Татарстан Республикасы Дәүләт Советы депутаты И. Ю. Әминов , Пенсия фонды һәм халыкны социаль яклау идарәсе һәм дәүләт торак фонды вәкилләре кабул итәчәк. Алар социаль ипотека прграммасы, ана капиталы средстволарын куллану һәм гаиләдә туган беренче һәм икенче балалар өчен айлык түләүгә кагылышлы сорауларга җавап бирәчәкләр.Кабул итү вакыты: 14.00-15.00 кадәр. Алдан язылу өчен телефон: 8(85558) 7-30-94

24 нче февральдә Зәйнең спорт сәламәтләндерү үзәгендә 2004-2005, 2006-2007, 2008-2009 нчы елларда туган яшүсмерләр һәм кызлар арасында тхэквондо буенча I нче ачык турнир үтте. Анда Зәй һәм Яр Чаллы шәһәрләреннән 120 спортсмен катнашты. Турнирны тантаналы төстә район башлыгы Р.Г.Кәримов ачты һәм балаларга ярышларда җиңү теләде. Үз үлчәү берәмлекләрендә 2004-2006 елда туган яшүсмер һәм кызлар арасында Сагиров Артур, Хәбибрахманов Рафаэль, Дәүләтшин Данил, Оруджев Вадим, Миңнегалиев Рүзәл, Әхмәтҗанова Полина, Савицкая Лиана; 2007-2008 нче елларда туган яшүсмер һәм кызлар арасында Шәйхелов Дамир,Тиняков Тимур, Зиновьев Владислав, Сафин Рамзан, Шоринков Арсений, Әхмәдуллин Айдар, Кәбиров Данис, Хөсәенов Дамир; 2009-2010 елларда туган яшүсмерләр һәм кызлар арасында Хәбетдинов Дамир, Иванов Егор, Корнеев Артем, Шәйхетдинов Әмир, Секаев Артемий, Яковлев Ярослав, Мингалин Руслан, Большоков Әскәр, Хүҗин Әмир, Гыйляҗева Регина, Ивыгина Арина, Хәбибуллина Әминә, Сабирова Сафиналар җиңүче булды. Аларның тренер- укытучылары Л.И.Шәйгәрданова.

Бүген районыбызның Аксар авылы мәктәбендә милли көрәш буенча “Аксар батырлары” XXI ачык Республика турниры үткәрелә. Анда 2004 нче елгы һәм алардан кечерәк яшьтәге көрәшчеләр катнаша. Бил алышулар барлыгы 10 үлчәү авырлыгы буенча алып барылачак. Аксар - заманында атаклы көрәшчеләр үстергән авыл. Турнир быел да авылның көрәш ветераннары ярдәме белән оештырыла.

22 февральдә Зәй районының Югары Пәнәче һәм Бигеш авылы җирлекләрендә чираттагы халык җыеннары узды. Халык белән очрашуда Зәй муниципаль районы башлыгы урынбасары В.Г. Акатьев, район Башкарма комитеты җитәкчесе И.Ф.Хафизов, авыл хуҗалыгы һәм азык-төлек идарәсе башлыгы А.Н.Галиәхмәтовлар катнашты. Утырышларда узган елда авыл җирлекләрендә башкарылган эшләргә нәтиҗә ясалды һәм алдагы елга куелган планнар турында сөйләшү булды. Җыен башланганчы, Бигеш авылы халкы тамашачысы өчен “Сорнай” халык ансамбле һәм Татарстанның халык артисты Георгий Ибушев катнашында зур концерт программасы тәкъдим ителде. Георгий Ибушев күпчелек җырларны нәкъ менә якташ композиторыбыз Геннадий Максимов иҗатыннан башкарды. Авыл җирлеге башлыгы И.Р.Вәлиев Бигеш авылы халкы исеменнән “Сорнай” халык ансамбле һәм Татарстанның халык артисты Георгий Ибушевка рәхмәт белдерде.

Хөрмәтле зәйлеләр, ир-егетләребез, Россия армиясе һәм флоты сафындагылар, запастагы хәрбиләр! Сезне ихлас күңелдән Ватанны саклаучылар көне белән котлыйм. Безнең тормышта иң кыйммәтле нәрсәләр – тынычлык, иминлек һәм тотрыклылык. Ватанны саклаучылар көне һәрвакыт батырлык , фидакарьлек, намуслылык символы булды. Бу көнне без илебезне батырларча саклаган һәм саклаучыларны гына түгел, ә намуслы хезмәте белән илебез, республикабыз, районыбыз үсешенә өлеш кертүчеләрне дә зурлыйбыз. Без чын ир-егетләр һөнәре – Ватанны саклаучы хезмәтен сайлаучыларга олы хөрмәт белән карыйбыз. Кораллы Көчләр солдатлары һәм офицерлары, хәрби бәрелешләр һәм локаль сугышларда катнашучылар, махсус хезмәтләр хезмәткәрләре тыныч тормышның, дуслык һәм кешелеклелекнең нинди зур мәгънәгә ия булуын аеруча тирәнтен аңлыйлар. Календарьдагы бу дата ир-егетләренең һәр гаиләнең ышанычы һәм терәге булуы турында искәртә. Әлеге бәйрәмне гаиләләре белән бергә билгеләп үтүчеләрнең дә, шулай ук хәрби постта торучыларның да үз йортлары, гаиләләре, илебезнең ныклы сакчылары булуын телим. Бу аерым әһәмияткә ия көндә солдат һәм офицер улларын данлыклы хәрби традицияләрдә тәрбияләгән аналарга һәм хәрбиләр белән янәшәдә гаилә учагын саклаучы хатын-кызларыбызга зур рәхмәтемне белдерәм. Сезгә имин һәм якты көннәр, ныклы сәламәтлек, барлык эшләрегездә һәм башлангычларыгызда уңышлар, һәм гаилә бәхете телим. Зәй муниципаль районы башлыгы Р.Г.Кәримов

Зәйдә 23 февраль – Ватанны саклаучылар көне уңаеннан Азатлык китерүче солдат һәйкәле янында тантаналы митинг үтте. Анда район башлыгы урынбасары Валерий Акатьев, ветераннар советы рәисе Марсель Хуҗин чыгыш ясадылар.