ЯҢАЛЫКЛАР

Бүген Зәй мәшгульлек үзәге белгечләре “Маркетинг визиты” чарасы кысаларында “Зәй икмәк кабул итү предприятиесе” ААҖ җитәкчесе белән очраштылар.

Зәй районының Бигеш авылы Мансур Хәсәнов исемендәге мәктәбенең 125 еллыгы уңаеннан “Бигешем –яшел бишегем, мәктәбем –яшьлегем тугае” дип исемләнгән китап дөнья күрде.

3 нче июендә Зәйнең Ринат Фәрдиев исемендәге ял паркында ачык һавада атналык спорт-мәдәни чара – “Спортлы Зәй” флэш-моб проекты старт алды. Чара Эльмира Вдовина җитәкчелегендә узды һәм зәйлеләрдә зур кызыксыну уятты.

2 июньдә Зәйнең «Энергия» стадионы спорт мәйданчыгында «Сәламәтлек» спартакиадасы кысаларында авыл җирлекләре командалары арасында мини-футбол буенча район беренчелегенә ярышлар узды. Анда 11 авыл җирлеге : Сәвәләй, Поручик, Чыбыклы, Багряж, Аксар, Якты Күл, Поповка, Түбән Биш, Югары Шепкә, Александр Бистәсе, Кадер авылы командалары катнашты. Уен нәтиҗәләре буенча Аксар командасы - җиңүче, Поручик белән Чыбыклы җирлекләре икенче һәм өченче урыннарны алды.

Татарстан Гидрометеорология һәм әйләнә-тирә мохитне күзәтү идарәсе Татарстан территоририясендә һава торышы бозылу турында хәбәр итә. Иртәгә, 5 июендә Татарстан Республикасы территориясендә иртән һәм кич секундына 15-20 метр тизлектә, көндезге 12.00.дән төнге 23.00 гә кадәр вакыт эчендә секундына 20-25 метр тизлектә көчле җил, яңгыр һәм яшен булуы ихтимал. Сак булыгыз!

1 июньдә Зәйдә районкүләм ифтар мәҗлесе узды. Изге Рамазан аенда районыбыз мөселманнары өчен әлеге дини чараның дүртенче ел рәттән оештырылуы. Бу юлы да ураза тотучы райондашларыбызны автобуслар белән Политехник колледжга жыйдылар.

Зәебез көннән –көн төзекләнә, яшелләнә, матурлана бара. Моңа оешма-учреждениеләр дә үз өлешләрен кертә. Үзәк китапханә хезмәткәрләре исә янәшә-тирә биләмәләрен гөл-чәчәккә күмгән. Биредә китапханәчеләр кызыклы композицияләр ясап, 150 төп чәчәк утыртканнар. Аллы-гөлле петуния, бәрхет, яраннар узып китүчеләр игътибарын җәлеп итәрлек.

31 май көнне Зәй ГХАТ бүлегендә агымдагы елның беренче пар игезәкләр тууы теркәлде. Бу искиткич вакыйга Илшат һәм Әнисә Ахтямзяновлар гаиләсендә барлыкка килде. Әти - әни бәләкәчләргә Данир һәм Самир дигән исемнәр бирделәр.

Районда конфессияара дуслык, татулыкны саклау – өстенлекле юнәлешләрдән. Бездә православие һәм ислам динендәгеләрнең бәйрәмнәре зурлап билгеләп үтелә.1 июньдә Рамазан ае уңаеннан политехник колледжда район-шәһәр мөселманнары өчен ифтар оештырыла. Районда мондый ифтар дүртенче мәртәбә уздырыла. Бу көнне авыз ачуга мөселманнарны автобуслар йөртәчәк.

«PROFF – навигатор» һөнәри ориентлашу проекты кысаларында “Һөнәрләр дөньясына сәяхәт” дип аталган квест-уен узды. Әлеге чараны мәшгульлек үзәге мәгариф идарәсе һәм Зәй политехник колледжы белән берлектә оештырды.