Бигеш авылы мәктәбенең 125 еллыгына багышланган яңа китап чыкты

Зәй районының Бигеш авылы Мансур Хәсәнов исемендәге мәктәбенең 125 еллыгы уңаеннан “Бигешем –яшел бишегем, мәктәбем –яшьлегем тугае” дип исемләнгән китап дөнья күрде. Аның автор-төзүчесе - Ш. Мәрҗани исемендәге Тарих институтының баш гыйльми хезмәткәре, тарих фәннәре докторы, танылган археолог Фаяз Хуҗин. Басманы әзерләүдә И. Г Зиатдинов, М.Ф. Зәйнетдинов, И. Г. Илдарханов, Р. Г. Искәндәров, А. В. Камилов, А. Х. Маликова, С. С. Мәүләветдинов, Р. Г. Насыйбуллин булышлык иткән. Китап берничә бүлекне үз эченә алып, мәгълүматларга бай. Фаяз Хуҗин моннан 7 ел элек Зәй районының күренекле кешеләре турында китап әзерләгән иде.