Зәй районы укучылары һөнәри ориентлашу буенча квестта катнаштылар

«PROFF – навигатор» һөнәри ориентлашу проекты кысаларында “Һөнәрләр дөньясына сәяхәт” дип аталган квест-уен узды. Әлеге чараны мәшгульлек үзәге мәгариф идарәсе һәм Зәй политехник колледжы белән берлектә оештырды. Уенның төп максаты укучыларны хезмәт базарында ихтыяҗ булган һөнәрләр белән таныштыру, укучыларны һөнәр сайлаганда очрарга мөмкин булган ялгышларны аңларга өйрәтү, мөһим шәхси үзенчәлекләрне истә тотарга кирәклеген төшендерү иде. Квест-уенда авыл мәктәпләренннән 8нче сыйныфта укучы 20 бала катнашты. Соңыннан уенда җиңүчеләр һәм катнашучыларга Мактау грамоталары, Дипломнар, истәлекле бүләкләр тапшырылды.