ЯҢАЛЫКЛАР

Зәйдә Казан дәүләт архитектура-төзелеш университетын тәмамлап шәһәргә кайткан яшь кеше “Молодежная практика” программасы кысаларында “инженер-төзүче” белгечлеге буенча эшкә урнаштырылды.

Бүген “PROFF-навигатор” һөнәри орентлашу проекты кысаларында “Тылсымлы әкият” балалар бакчасында Зәй мәшгульлек үзәге белгече Дарья Филиповская “Мастер Градка сәяхәт” дип аталган үзенчәлекле чара оештырды. Белгеч балаларга һөнәрнең нәрсә икәнен аңлатты. Чара барышында алар бергәләп “Кем күбрәк һөнәрләрне атый”, “Табышмакларны чиш”, “Кем үз әти-әнисе һөнәрләре турында яхшырак сөйли” уеннарын уйнадылар. Соңыннан һөнәрләр һәм мәшгульлек үзәге эшчәнлеге турында мультсериал карадылар. Очрашу азагында балаларга истәлекле сувенирлар бүләк ителде.

Бүген Зәйдә республика игенчеләрнең төбәкара семинар-киңәшмәсе узды. Семинарда ТР Премьер - министры урынбасары, авыл хуҗалыгы һәм азык-төлек министры Марат Әхмәтов һәм "Агрокөч" АҖ генераль директоры урынбасары Владимир Егоров, республиканың 12 районы авыл хуҗалыгы һәм азык-төлек идарәләре башлыклары, җир эшкәртү һәм механикалаштыру буенча консультантлар, «Россельхозцентр» ФДБУенең Татарстан Республикасы филиалы белгечләре, «Татарстанның элиталы орлыклары» ассоциациясе вәкилләре, авыл хуҗалыгы оешмалары һәм крестьян фермер хуҗалыклары җитәкчеләре, хуҗалыклар агрономнары катнашты. Кунакларны район башлыгы Разиф Кәримов озатып йөрде.

Сентябрь аенда гомуми мәйданы 1931 кв. метр булган үзәк китапханәнең эшли башлавына 30 ел була. 5 ел элек бинаның түбәсе ремонтланып, яңа тәрәзәләр куелган иде. Быел китапханәнең барлык тузган коммуникацияләре алыштырылачак, бүлмәләрендә төзекләндерү эшләре башкарылачак, бинаның тышкы ягын үзгәртү дә каралган. Китапханәне төзекләндерү өчен Министрлар Кабинеты карары белән республика бюджетыннан 18 миллион 732 мең 59 сум акча бүлеп бирелгән. Бу зур күләмдә ярдәмне алуда район башлыгы Р.Г. Кәримов һәм Татарстан Республикасы Дәүләт Советы депутаты Рәзил Вәлиевның өлеше зур. Бүгенге көндә китапханәдә төзекләндерү эшләренә әзерлек төгәлләнде. 100000 ләп данә китап һәм җиһазлар махсус урыннарда сакланачак. Китапханә үзенең укучыларын гадәттәге режимда кабул итә.

Иске Зәй мәчетендә җәй буе ир балалар өчен әдәп-әхлак дәресләре укытыла. Өченче сменада 16 июльдән оештырылган укулар 28 июльдә тәмамлана. 30 июльдән 11 августка кадәр биредә кыз балалар өчен дә укытулар оештыралачак.

30 июльдә 10:00-13:00 сәгатьтә Зәй шәһәр прокуратурасында Чапаев урамы, 3 нче йорт адресы буенча, Татарстан Республикасы прокуроры өлкән юстиция киңәшчесе Марат Шамилевич Долгов кабул итә. Язылу 7-27-59, 7-11-79, 7-11-29 телефоннары буенча гамәлгә ашырыла, шулай ук мөрәҗәгатьне прокуратураның (zainsk.prok@tatar.ru) электрон адресына җибәргәндә, үзегез турында тулы мәгълүматны( фамилия, исем, атагызның исемен, яшәү һәм теркәлү урынын, телефон номерыгызны һәм соравыгызны) тулысынча күрсәтергә кирәк була. Моннан тыш, моңа кадәр бу мәсьәлә буенча шәһәр прокуратурасына мөрәҗәгать иткәнегез булу булмавы хакында да хәбәр итүегез сорала.

Зәйдә агымдагы елда да якташ язучы, дин галиме Таҗетдин Ялчыголга багышланган "Ялчыгол укулары" узачак. Ул быел да Имәнлебаш авылы мәдәният йортында узар дип ниятләнә. Әлеге республикакүләм чарага башкалабыз Казаннан кунаклар, Мамадыш, Азнайкайдан делегация килер дип көтелә.

Мәшгульлек үзәгенең инвалидларны эшкә урнаштыру мәсьәләләрен көйләү өчен төзелгән махсус комиссиясе, эш бирүчеләрнең физик мөмкинлеге чикләнгән кешеләргә хезмәт урыннары булдыру турындагы мөрәҗәгатьләре буенча урыннарга чыгып, эш урыны шартлары белән танышты, аларның тиешле таләпләргә җавап бирүен тикшерде. Комиссия тарафыннан барлыгы биш предприятие тикшерелде. Нәтиҗәдә барлык эш урыннарының да кирәкле җиһазлар белән тәэмин ителгән булуы, тиешле таләпләргә җавап бирүе билгеләнде, аларда мәшгульлек үзәге юлламасы белән эшкә җибәрелгән гражданнар хезмәт эшчәнлеген алып бара.

Зәй авыл хуҗалыгы идарәсеннән хәбәр итүләренчә, бүгенге көнгә район кырларыннан көзге бодай 1900 гектар мәйданда җыеп алынган. Суктырылган ашлык 8000 тонна. Уртача уңыш гектарыннан 41, 6 центнер тәшкил итә. Район-басу кырларын барлыгы төрле маркадагы 70 тән артык комбайн иңли. Суктырылган икмәк Зәй һэм Акташ элеваторына тапшырыла. Бүгенге көндә, суктырылган басулардан жыелган салам пресслана, терлек комплексларына ташыла. Салам жыелганнан соң басуларда параллель төстә сөрү эше башлана.

Бүгенге көндә балалар арасында юл-транспорт һәлакәтләрен кисәтү иң мөһим юнәлешләрнең берсе булып тора. Татарстан Республикасы Хезмәт, халыкны эш белән тәэмин итү һәм социаль яклау министрлыгының Зәй муниципаль районындагы "Радость" халыкка комплекслы социаль хезмәт күрсәтү үзәге" социаль хезмәт күрсәтү дәүләт автоном учреждениесендә социаль хезмәтләр кабул итүчеләр өчен төрле методик материаллар әзерләү, шул исәптән юл-транспорт һәлакәтләрен кисәтүне пропогандалау балаларның юлда транспорт һәлакәтләренә юлыгуын булдырмауның бер формасы булып тора. Социаль педагоглар юл хәрәкәте кагыйдәләренә багышланган "Дустыбыз светафор" дип аталган чара оештырдылар. Ачык һавада узган бу чарада балалар гадәти булмаганган "автобус"та мавыктыргыч сәяхәткә кузгалдылар. Әлеге чараның максаты - юл йөрү кагыйдәләрен өйрәнү буенча алган белемнәрне ныгыту, кагыйдәләрне төгәл үтәүгә ирешү,светофор функциясе һәм аның төсләре турында алган белемнәрне ныгыту, урамда үз-үзеңне тоту күльтурасы тәрбияләү. Уенның шарты буенча, билет алыр өчен, җәмәгать транспортында үз-үзеңне тоту кагыйдәләре турындагы сорауларга дөрес җавап бирергә кирәк иде. Балалар биремнәрне төгә үтәп, юл хәрәкәтенә кагылышлы белемнәрен ныгыттылар.