ЯҢАЛЫКЛАР

Зәй Агросәнәгать паркының Автозавод урамындагы сәүдә залы алты көнлек эш атнасына күчә. Республика фермерлары җитештергән ит, яшелчә, сөт, ярма продукциясе белән сату сишәмбе көнне 9 сәгатьтән 18 сәгатькә кадәр барачак.

Шәһәрдә һәм авыл җирлекләрендә район җитәкчелеге катнашында халыкның традицион җыелышлары дәвам итә. Аларда гражданнар үзләрен борчыган барлык сорауларны турыдан-туры бирә, теләкләрен җиткерә алалар. Бүген чираттагы җыелыш Мирный микрорайонында узды. Җыелышка Мирный, Заготзерно, Нефтебаз, шикәр заводы микрорайоннарында яшәүчеләр чакырылган иде. Зәй шәһәре башлыгы Кәримов Разиф Гали улы, 2018 елда Зәй шәһәренең социаль-икътисадый үсеше мәсьәләләре белән таныштырды. Шәһәр башкарма комитеты җитәкчесе Сергей Васильевич Максимов 2018 елда шәһәрне (ишегалды территорияләрен) төзекләндерү һәм үстерү буенча башкарылган эшләр һәм 2019 елга планнар турында сөйләде. Әлеге микрорайоннарда оператив хәлләр турында Зәй районы буенча Эчке эшләр министрлыгы бүлеге башлыгы урынбасары Г. Г. Абрамов, «2030 елга кадәр Татарстан Республикасын социаль-икътисадый үстерү стратегиясен раслау турында» Татарстан Республикасы Законына кушымтага үзгәрешләр кертү һәм һөнәри эшчәнлеккә салым турында район башкарма комитетының икътисад бүлеге башлыгы Хәбибуллин М. М. сөйләде. 2018 елда күп фатирлы йортларда башкарылган эшләр турында «Зәй шәһәре ТКХ ИК» ҖЧҖ техник директоры С. В. Ефремов хисап тотты. Шулай ук чара барышында халыкка цифрлы телевидениегә күчү турында да мәгълүмат җиткерелде. Көнкүреш газы шартлау белән бәйле соңгы фаҗигале вакыйгалар, газ җиһазларын эксплуатацияләгәндә куркынычсызлык чаралары турында Зәй РГЭСы башлыгы В. С. Дуболазов искә төшерде, очрашу барышында халыктан кергән барлык сораулар тиешле хезмәтләр тарафыннан контрольгә алынды.

Р.Ш. Фәрдиев исемендәге паркта Ф.П. Симашев истәлегенә багышланган Бөтенроссия чаңгы ярышлары уздырылу сәбәпле 22 февраль көнне Ефимов урамы транспорт хәрәкәте өчен ябык булачак.

Бу хакта Татарстан Республикасы Хөкүмәте йортында узган киңәшмәдә “Россия Фәннәр академиясенең Казан фәнни үзәге” Федераль тикшеренү үзәгенең аерымланган структур бүлекчәсе - Татарстанның Авыл хуҗалыгы фәнни-тикшеренү институты җитәкчесе Марсель Таһиров сөйләде.Институт 2017-2025 елларга авыл хуҗалыгын үстерүнең федераль фәнни-техник программасын гамәлгә ашыруда катнаша. Максат – авыл хуҗалыгы предприятиеләрен үзебездә чыгарылган сыйфатлы бәрәңге сортлары белән тәэмин итү һәм бәрәңгечелекнең импорт орлыгы материалына бәйлелеген киметү. Соңгы 10 елда бәрәңгенең вирусларга чыдам 6 сорты чыгарылды. Ел саен Россия селекциясенең 70 сорты экологик-географик сынау уза. Анализдан күренгәнчә, бәрәңгенең яңа сортлары югары уңдырышлылыгы һәм крахмалның күп булуы белән аерыла. Әлеге тема белән, Татарстан Республикасы Президенты Рөстәм Миңнеханов та кызыксынды. Ул нотыкчыдан сыйфаты буенча бәрәңгенең легендар Лорх сортына каршы куярлык сортлар бармы-юкмы икәнен сорашты. Марсель Таһиров әйтүенчә, бәрәңгенең Татарстанда чыгарылган яңа Танго сорты берничә күрсәткеч буенча легендар сортны узып китә: югары уңдырышлылыгы белән - 335ц/га, крахмалның күп булуы белән - 15%тан 23%ка кадәр һәм үсемлек аксымы күләме белән - 3%ка кадәр.

2019 ел уңышы өчен минераль ашламалар туплау Татарстан Республикасы Авыл хуҗалыгы һәм азык-төлек министрлыгы контролендә тора. Тулаем республика буенча 16 гыйнварга минераль ашламалар 49 мең тонна, ягъни бер гектар чәчүлеккә 17,1 кг тупланган. Бер атнада артым +1,3% булган. Узган елның шушы датасына республикада минераль ашламалар бер гектарга 27,9 кг тупланган булган. Соңгы белешмәләр буенча, лидерлар өчлегендә: Зәй районы, аның хуҗалыкларында бер гектар чәчүлеккә 49,8 кг минераль ашлама(фаразга карата 71%) тупланган, Тәтеш район - бер гектарга 38,9 кг(56 %) һәм Сарман районы - 37,9 кг(54%). Шул ук вакытта Тәтеш һәм Буа муниципаль районнарында быел узган елның шушы вакытына караганда минераль ашламалар күбрәк тупланган. Татарстан Республикасы Авыл хуҗалыгы һәм азык-төлек министрлыгы минераль ашламаларның авыл хуҗалыгы культураларыннан югары уңыш алуның төп нигезен тәшкил итүен искәртә. Ашламалар уңышны гына арттырып калмыйча, культураларда шикәр, май, аксым, шулай ук биологик актив матдәләр күләмен арттыра. Шуңа күрә минераль ашламалар туплау сүлпән бара торган районнарга бу эшкә игътибарны арттырырга кирәк. Республиканың авыл хуҗалыгы предприятиеләре алдына 2019 ел уңышы өчен бер гектар чәчүлеккә кимендә 70 кг минераль ашлама туплау бурычы куелган. 2019 ел уңышы өчен минераль ашламалар туплау турында тулырак мәгълүмат белән, шулай ук республикада сөт җитештерү һәм сату, шикәр чөгендере эшкәртү турындагы мәгълүмат белән безнең рәсми сайтта Оператив мәгълүмат бүлегендә танышырга мөмкин.

Бүген Зәй муниципаль районы башлыгы Р. Г. Кәримов, агрофирма директорлары, зооветеринария белгечләре, бүлекчә җитәкчеләре катнашында авыл хуҗалыгы формированиеләрендә булдылар. Анда катнашучылар терлекләрне кышлатуның барышы, терлекчелек тармагында технологик процессларның үтәлеше белән таныштылар. Шулай ук, урыннарда узган атнага йомгак ясалды һәм алдагы чорга бурычлар куелды. Эш график нигезендә, «Нива» ҖЧҖеннән башланды. Аннары чарада катнашучылар «Восток» АФ ҖЧҖе «Үрнәк» бүлекчәсенең «Сарсаз-Баграж» сөт- товарчылык комплексында булдылар, остаханәне карадылар, авыл-хуҗалыгы машиналары һәм тракторларын ремонтлау барышы белән таныштылар. Район башлыгы Р. Г. Кәримов механизаторлар белән әңгәмә үткәрде, кызыксындырган сорауларга җавап бирде. Шулай ук, район башлыгы техникаларны ремонтлау темпларын тизләтергә һәм аны сыйфатлы итеп башкарырга күрсәтмә бирде. «Восток» АФ ҖЧҖе “Игенче” бүлекчәсенең Дурт-Мунча товар-сөтчелек комплексында, "Тукай" бүлекчәсе «Куш-Елга " товар-сөтчелек комплексында бозауларны һәм савым сыерларын карап тоту һәм ашату белән таныштылар. Аннан соң «Ялкын» бүлекчәсенең «Бура-Киртә» товар-сөтчелек комплексында һәм “Әхмәт” товар –сөтчелек фермасында, «Зәй» АФ ҖЧҖнең "Нур» бүлекчәсенең “Аксар" һәм “Шепкә”товар-сөтчелек фермаларында терлекләрне кышлатуның барышы белән таныштылар.Тикшерү «Зәй шикәре» АФ ҖЧҖе терлекчелек объектларына бару белән тәмамланды. Моңа Поручик авылындагы «Заман» симертү комплексы, «Родина» бүлекчәсендәге «Чыбыклы» сөт комплексы, «Сәвәләй» товар-сөтчелек фермалары керә. Терлекчелек объектларына килгәндә, терлекләрне ашату, тоту технологияләрен үтәүгә, көнлек режимны саклауга, бозаулар санын саклап калуны тәэмин итүгә һәм башка мәсьәләләргә аерым игътибар бирелде. Район башлыгы Р. Г. Кәримов, эшне дөрес оештырып, технологияләрне төгәл үтәгәндә, югары нәтиҗәләргә ирешергә мөмкин булуы хакында, тагын бер кат искәртте. Төп эш терлекләрнең продуктлылыгын арттыруга юнәлдерелергә тиеш, -дип билгеләп үтте.

2019 елның 18 гыйнвары көнне 6 нчы урта гомуми белем мәктәбендә "Зәй муниципаль районы мәгариф учреждениеләрендә туклануны оештыру буенча хокук бозуларны булдырмау” темасына киңәйтелгән киңәшмә узды. Киңәшмәдә Роспотребнадзор территориаль бүлеге җитәкчесенең урынбасары Насыйбуллин Р.М., «Мәктәп укучыларын тукландыру» ҖЧҖ генераль директоры Гусева В. П., мәгариф идарәсе башлыгы Кузнецов С.А., Зәй муниципаль районының мәктәпкәчә һәм гомуми белем учреждениеләре җитәкчеләре бракераж комиссиясе составы белән (туклану буенча җаваплы, медицина хезмәткәрләре, җитештерү мөдирләре) катнаштылар. Азык - төлек продуктларын куллану вакытына карата таләпләр, аның гигиенасын үтәү мәсьәләсе буенча кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы идарә территориаль бүлеге башлыгы урынбасары Р. М. Насыйбуллинның, мәгариф учреждениеләрендә азык - төлек блогы эшен контрольдә тоту мәсьәләсе буенча мәгариф идарәсе белгеч-технологы А.В. Куянованың, продукциянең иминлеген һәм сыйфатын раслый торган документлар мәгълүматы буенча «Мәктәп укучыларын тукландыру» ҖЧҖ тәэмин итү һәм маркетинг буенча директор урынбасары Р. М. Халитованың чыгышлары тыңланылды. Белем учреждениеләрендә кайнар туклануны оештыруда санитар кагыйдәләре һәм технологик процессларның үтәлешен контрольдә тотуны көчәйтү мәсьәләсе буенча «Мәктәп укучыларын тукландыру» ҖЧҖ җитештерү һәм сыйфат директоры Мартынова Г. Н., 2018 елда белем учреждениеләрендә азык - төлек блогларын җиһазландыру мәсьәләсе буенча мәгариф идарәсе баш бухгалтеры З. А. Садриева чыгыш ясадылар.

21-25 гыйнварда районда гражданнар оборонасы буенча өйрәнүләр узачак. Бу көнне гражданнар оборонасының төрле сигналлары яңгыраячак. Өйрәнүләр вакытында "Барыгызның да игътибарына!", "Һава тревогасы", "Һава тревогасы тәмамланды", "Радиация куркынычы", "Химик тревога" кебек сигналлар яңгырарга мөмкин. Андый чакта тыныч булуыгызны, куркып калмавыгызны сорыйбыз. "БАРЫГЫЗНЫҢ ДА ИГЪТИБАРЫНА!” Мондый сигнал тыныч вакытта гадәттән тыш хәлләрдә (табигый бәла-казалар, халык хуҗалыгы объектларында, транспортта аварияләр яисә һәлакәтләр) һәм сугыш шартларында халыкка үз вакытында хәбәр итү һәм әлеге шартлардагы гамәлләр турында хәбәр итү өчен җиткерелә. Халыкның игътибарын җәлеп итү өчен телдән мәгълүмат биргәнче сиреналар, производство гудоклары, башка сигнал чаралары кушыла. Бу "Барыгызның да игътибарына!" дигән кисәтү сигналы булып тора. "ҺАВА ТРЕВОГАСЫ ТӘМАМ" Җирле радио һәм телевидение аша гражданнар оборонасы органнары тарафыннан һәм тавыш көчәйткеч чаралар аша "Игътибар! Игътибар! Гражданнар! Һава тревогасы тәмам! Һава тревогасы тәмам!" – дигән сүзләр белән бирелә. Радио яисә башка элемтә чаралары буенча халыкның аннан соң ничек хәрәкәт итәргә тиешлеге хакында белдерүләр җиткереләчәк. Моннан тыш, "Игътибар! Татарстан Республикасы Гражданнар оборонасы эшләре һәм гадәттән тыш хәлләр министрлыгының оператив дежурные сөйли. Гражданнар! Һава тревогасы тәмам. Барыгызның да эш яисә яшәү урыннарына кайтуыгызны сорыйбыз. Авыруларга һәм өлкәннәргә ярдәм итегез. Сигнал кабатлануына әзер булыгыз. Гражданнар оборонасы органнары хәбәрләренә игътибарлы булыгыз!" – диелә. "РАДИАЦИЯ КУРКЫНЫЧЫ!" Турыдан-туры куркыныч янаганда (бер сәгать эчендә әлеге территориянең радиоактив зарарлану ихтималы булганда) яисә радиоактив заралану ачыкланганда барлык җирле техник элемтә һәм хәбәр итү чаралары ярдәмендә бирелә. Сигнал тавыш һәм ут чаралары белән кабатлана. Бу сигнал буенча респиратор (тукымадан ясалган тузанга каршы маска, мамык-марля повязка), ул булмаса, противогаз киегез. Үзегез белән су, азык-төлек запасы, медикаментлар алыгыз һәм саклану урынына (убежищега) яисә радиациягә каршы ышыклану урынына барыгыз. Андый корылмалар булмаганда таш бина яисә подвалларда сакланыгыз. «ХИМИК ТРЕВОГА!» Химик яисә бактериологик зарарлану куркынычы булганда яисә ачыкланганда радио аша «Игътибар! Игътибар! Гражданнар! Химик тревога! Химик тревога!» – дип хәбәр бирелә. Урыннарда сигнал тавыш һәм ут чаралары белән кабатлана. Бу сигнал буенча тиз генә противогаз, тәнне саклау чаралары киегез (алар булмаса, пленка материалларыннан, болонья типындагы плащлардан файдаланыгыз, резин аяк киеме, перчатка киегез) һәм саклану корылмасында ышыкланыгыз.

Зәй шәһәренең 7нче урта мәктәбендә муниципаль район башлыгы Р. Г. Кәримов катнашында Воздвиженка, 35 нче квартал, Зәй шәһәренең Карамалы торак пунктларындагы 2018 ел эш нәтиҗәләре буенча халык җыелышы булды. Зәй шәһәренең 2018 елдагы социаль-икътисадый үсеш нәтиҗәләре белән район башлыгы Р. Г. Кәримов таныштырды. Зәй шәһәре башкарма комитеты җитәкчесе С. В. Максимов 2018 елда шәһәрне (ишегалды территорияләрен) төзекләндерү һәм үстерү эшләре турында сөйләде. Микрорайондагы оператив хәлләр турында Россия Эчке эшләр министрлыгының Зәй районы буенча бүлеге башлыгы урынбасары Г. Г. Абрамов аңлатты."2030 елга кадәр Татарстан Республикасын социаль-икътисадый үстерү стратегиясен раслау турында «Татарстан Республикасы Законына кушымтага үзгәрешләр кертү һәм һөнәри эшчәнлеккә салым” турында район башкарма комитетының икътисад бүлеге җитәкчесе М. М. Хәбибуллин сөйләде. Шулай ук җыелышның көн тәртибенә 2018 елда «Зәй шәһәре ТКХ ИК» ҖЧҖ тарафыннан башкарылган эшләр, цифрлы телевидениегә күчү, газ җиһазларын эксплуатацияләгәндә куркынычсызлык чаралары турында мәсьәләләр дә кертелгән иде.Аңа Зәй муниципаль районы башлыгы Р. Г. Кәримов йомгак ясады. Чара ахырында халык шәһәр башлыгына һәм шәһәр хезмәтләре җитәкчеләренә турыдан-туры сорауларын бирә алды.

Волонтерлык темасы яшьләр арасында елдан ел популярлаша бара. Бүген күп кенә яшь буын вәкилләре өчен яхшылык эшләү һәм ярдәмгә мохтаҗ кешеләргә ярдәм итү - бу модага иярү генә түгел, бу йөрәк кушуы. Шунысы куанычлы, арабызда чын йөрәктән ярдәмгә килүче кешеләр арта бара. Зәй политехник көллиятенең беренче курс студентлары өчен ярдәмгә мохтаҗ кешеләргә ярдәм күрсәтү - яңа танышулар табу, камилләшү һәм үз-үзеңне төрле яктан үстерү, яшьләр форумнарында катнашу, тәҗрибә уртаклашу, уңай эмоцияләр алу өчен уникаль мөмкинлек. Шушы көннәрдә "Шатлык” халыкка социаль хезмәт күрсәтү үзәге белгечләре “Profistyle” хәрәкәте активистлары белән очраштылар. Районыбыз волонтерларының эшчәнлеге, иң уңышлы киң күләмле ирекле проектлар белән таныштылар, шулай ук социаль хезмәткә мөрәҗәгать итүчеләргә адреслы ярдәм турында фикер алыштылар. Социаль өлкә белгечләре һәм студентлар яшенә, һөнәренә, социаль хәленә карамастан, теләгән һәркем яхшы эшләр башкара ала дигән уртак фикергә килделәр. Аларның барысын да тормышны яхшы якка үзгәртү, яхшылык эшләү теләге берләштерә.