ЯҢАЛЫКЛАР

Социаль-тискәре күренешләрне профилактикалау атнасы кысаларында, 26 февральдә музей хезмәткәрләре 1нче мәктәпнең 6нчы «Б» сыйныфы укучылары өчен «Без сәламәт яшәү рәвеше өчен» дигән түгәрәк өстәл үткәрделәр. Чараның максаты-сәламәт яшәү рәвешен пропагандалау, сәламәт яшәү рәвешенә тотрыклы мотивация уяту. Алар малайлар һәм кызлар арасында командалы уен формасында очрашу үткәрделәр. Чара барышында балалар төрле уеннарда катнаштылар, сорауларга җавап бирделәр, һәр дөрес җавап өчен жетон алдылар.

Социаль-тискәре күренешләрне, хокук бозуларны профилактикалау, наркотиклар куллануны булдырмау һәм сәламәт яшәү рәвешен формалаштыру, яшүсмерләр арасында хокукый белемнәрне пропагандалау атналыгы кысаларында, 26 февральдә киноучреждениедә 2,3,4 нче урта мәктәпнең 6 нчы сыйныф укучылары, Зәй шәһәре һәм Зәй районы буенча хәрби комиссариатның чакыру бүлеге башлыгы А.Ю.Гурьянов, КДН әгъзасы, «Форпост» үзәге директоры А.В. Алексеев, «Гвардия» отряды эзтабарлары белән очрашу узды (җитәкчесе -Никифоров В. М.). А.В.Алексеев һәм В.М. Гурьянов Кеше хокуклары культурасын формалаштыруга, төрле асоциаль күренешләргә тискәре мөнәсәбәт формалаштыру һәм хокук бозуларга яки җинаятьләргә сәбәп булырга мөмкин булган гамәлләрне аңлау буенча яшүсмерләргә ярдәм күрсәтүгә юнәлтелгән әңгәмә уздырдылар. “Гвардия” отряды җитәкчесе - В.М. Никифоров отряд активистлары тарафыннан Бөек Ватан сугышы солдатларын эзләү экспедицияләре турында сөйләде. «Гвардия» эзтабарлар отряды җитәкчесе В.М. Никифоров Россия Федерациясе Оборона министрлыгының “Эзләү хәрәкәте өчен III дәрәҗә медале” белән бүләкләнде. Аны Зәй шәһәре һәм Зәй районы буенча хәрби комиссариат вәкиле А.Ю.Гурьянов тапшырды.Чара азагында «Петр һәм Павел турында» хәрби-патриотик фильмны карау булды.

2019 елның 20-28 февралендә Зәй муниципаль районында социаль – тискәре күренешләрне, хокук бозуларны профилактикалау, наркотиклар куллануны булдырмау һәм сәламәт яшәү рәвешен формалаштыру, яшүсмерләр арасында хокукый белемнәрне пропагандалау атналыгы бара. Аның кысаларында район җитәкчеләре, көч структуралары вәкилләре катнашында укучылар өчен күп кенә кызыклы чаралар планлаштырылган. Беренче атна, Зәй 6 нчы урта мәктәбе базасында «Ягез әле, егетләр» хәрби-спорт уеннары финалын үткәрүдән башланып китте. Ярышлар мәгариф идарәсе, район башкарма комитеты һәм Татарстан Республикасы ДОСААФ җитәкчелегендә үтте. Катнашучыларны район башкарма комитеты җитәкчесенең социаль мәсьәләләр буенча урынбасары Александр Чапков, хәрби чакырылыш башлыгы Юрий Гурьянов, хәрби хәрәкәтләр ветераннары һәм башкалар каршы алды. Егетләр күтәрелү, пневматик винтовкадан ату, противогаз кию, Калашников автоматын җыю һәм йөгерү буенча көч сынаштылар. Ярыш нәтиҗәләре буенча 1нче урынны 3нче мәктәп командасы, 2нче урынны татар гимназиясе алды, 3нче урынны 7нче һәм 6 нчы мәктәп командалары бүлеште. Авыл мәктәпләре арасында Түбән Биш мәктәбе командасы җиңде, Якты Күл командасы икенче булды, Сарсаз-Баграж һәм Аксар мәктәпләре командалары өченче урынны бүлеште. Шушы көннәрдә политехник көллиятенең беренче курс студентлары түгәрәк өстәл артында прокуратура, Россия Эчке эшләр министрлыгының Зәй районы буенча бүлеге, җинаять башкарма инспекциясе вәкилләре һәм балигъ булмаганнар эшләре һәм аларның хокукларын яклау буенча комиссия секретаре белән әхлакый һәм патриотик тәрбия турында сөйләштеләр. 26 февраль көнне " Энергетик» мәдәният сараенда район Башкарма комитеты җитәкчесенең социаль мәсьәләләр буенча урынбасары, көч структуралары вәкилләре шәһәр мәктәпләре укучылары активы белән ачык диалогта катнаштылар. Чарада хокукый белемнәр, әхлакый һәм рухи тәрбия мәсьәләләре кузгатылды.

Бүген «Бердәм РОССИЯ " партиясенең Зәй җирле бүлекчәсе делегациясе муниципаль район башлыгы, Зәй җирле бүлеге сәркатибе Разиф Кәримов җитәкчелегендә, партиянең Татарстан төбәк бүлегенең XXIX конференциясендә катнашты. Делегация составына район башлыгы урынбасары, «Бердәм РОССИЯ» партиясенең Зәй муниципаль районы Советында депутатлар фракциясе җитәкчесе Валерий Акатьев, региональ контроль комиссиясе әгъзасы Александр Анпилогов, җирле сәяси совет әгъзасы, «Бердәм РОССИЯ» партиясенең «Строительное» беренчел бүлекчәсе сәркатибе Луиза Вәлиуллина, «Сармашбаш», «Кадер» һәм «Бигеш»беренчел бүлекләре сәркатибләре керде.

Региональ атна кысаларында, агымдагы елның 28 февралендә, РФ ФҖ Дәүләт Думасы депутаты Павлова Ольга Ивановна 12.00-14.00 сәгатьләрдә гражданнарны кабул итәчәк.

Зәй халык мәшгульлеге үзәгендә махсуслаштырылган вакансияләр ярминкәсе узды. 8 оешма һәм предприятие сәламәтлекләре буенча чикләүләре булган, социаль ярдәмгә мохтаҗ һәм эш эзләүдә кыенлык кичерүче гражданнар өчен эш урыннары тәкъдим итте. Аерым алганда, пенсия яшенә җитеп килүчеләр, ялгыз һәм күп балалы ата-аналар, ятим балалар һәм белем бирү йортларын тәмамлаган 18-20 яшьлек үсмерләр өчен вакансияләр бар иде. Ярминкәне халык мәшгульлеге үзәге директоры вазыйфаларын башкаручы Ольга Лаптева ачты. Үз чыгышында ул Зәй районының хезмәт базары торышы турында сөйләде, аннан соң оешма-предприятие вәкилләре вакансияләр белән таныштырды. Эш урыннары буенча тәкъдим Зәй районы белән генә чикләнми. Ольга Лаптева вакытлыча эшкә урнашу максатыннан, эшсезләргә икенче урынга күчүдә ярдәм күрсәтү хезмәте турында искәртте. Бүген Казан шәһәрендә “Метроэлектротранс” МУПдә кондуктор вакансиясе ачык. Мәшгульлек хезмәте җитәкчесе ярминкә ярдәмендә эшсезләр лаеклы эш урыны, ә эш бирүчеләр әйбәт хезмәткәр табар, дип өмет белдерде. Әйтергә кирәк, ярминкәдә күпчелек эшче һөнәрләр тәкъдим ителгән иде. Зәй урман хуҗалыгына форвардер операторы, “Нива” хуҗалыгына терлекчеләр һәм машина ярдәмендә сыер саву операторы, “Зәй су каналына” насос җайланмалары машинисты, “Зәй шикәре” ААҖнә ярдәмче, “Зәй крекеры” кондитер фабрикасына төрүче, “Техно” заводына йөк төягеч машинасын йөртүче, ә “Дружная семейка” балалар бакчасына – җыештыручы кирәк.Ярминкәгә килүче дүрт дистәгә якын кешегә консультация күрсәтелде, эш бирүчеләрнең вәкилләре алар белән әңгәмә уздырды, кайбер кандидатларга алга таба эшкә урнашу өчен юллама бирелде. Бүген Зәй халык мәшгульлеге үзәге базасында 223 вакансия бар. Эш урыннары турында тулырак мәгълүматны 8 (8555)8 7 15 43 телефоны аша яки Зәй шәһәре, Нефтьчеләр проспекты, 37 б йорты адресы буенча алырга мөмкин.

Бүген Зәй шәһәрендә яшәүче Матрухова Лидия Васильевна үзенең 95 яшьлек юбилеен билгеләп үтте. Ветеранны Зәй шәһәре башлыгы урынбасары Елена Недошивина, район мәдәният йорты автоклубы хезмәткәрләре, якыннары һәм туганнары  котлады. Елена Недошивина ветеранга РФ Президенты Владимир Путинның котлау открыткасын һәм район башлыгы исеменнән  бүләк тапшырды, автоклуб артистлары ветеранның яшьлек җырларын башкарды.

25 февраль көнне район мәдәният йортының тамаша залында 1 нче мәктәпнең 1 нче сыйныф укучылары өчен "Үткәннәргә сәяхәт" исемле халык костюмнары күрсәтү оештырылды.

Татарстан Республикасы Авыл хуҗалыгы һәм азык-төлек министрлыгы, 1 марттан икмәккә бәяләр арту хакында социаль челтәрләрдә хәбәрләр һәм массакүләм мәгълүмат чараларыннан мөрәҗәгатьләр арту сәбәпле, икмәкнең социаль төрләренә бәяләр белән бәйле хәлне контрольдә тотуы турында хәбәр итә. Ипинең социаль төрләренә: 1 сортлы ак икмәк, «Сельский» һәм «Дарницкий» сортларына бәяләрнең артуы фаразланмый. Бу максатларда 2018 елда ТР икмәк пешерү предприятиеләренә 38,4 млн.сумлык субсидия бирелде, 2019 елда 41,1 млн. сум күләмендә акча каралган.

27 февральдә 17.00 сәгатьтән 19.30 сәгатькә кадәр «Энергетик» мәдәният сараенда (Энергетиклар урамы, 6а йорт адресы буенча) «Иске Зәй – крепость шәһәре»проекты буенча иҗтимагый фикер алышу булачак. Якын тирәдә урнашкан җир кишәрлекләре һәм бина милекчеләрен, арендатор, активистлар һәм җирле җәмгыять вәкилләрен, эшкуарлар һәм бу урынның киләчәге битараф булмаган барлык кешеләрне фикер алышуга чакырабыз. Фикер алышу нәтиҗәләре буенча төзекләндерү концепциясе очрашуда катнашучыларның фикерләрен исәпкә алып эшләп бетереләчәк. Проект белән алдан түбәндәге сылтама буенча танышырга мөмкин: http://zainsk.tatarstan.ru/rus/plyazh-v-mkr-zainsk-2-respublika-tatarstan-g-zains.htm