ЯҢАЛЫКЛАР

2019 елның 25 апрелендә “Яшьлек” Боз сараенда Зәй муниципаль районының “Шатлык” халыкка социаль хезмәт күрсәтү үзәге белән берлектә Россия чемпионы, “Ак Барс” хоккей командасы составында Гагарин Кубогы иясе Артем Лукоянов катнашында “Игелекле боз” спорт бәйрәме оештырылды. Чарага мөмкинлекләре чикле балалар чакырылган иде.

24 апрель көнне "Энергетик» мәдәният сараенда шәһәр предприятиеләре, оешмалары һәм учреждениеләре арасында узган «Театр дөньясында» фестиваленә йомгак ясалды.

Тәрбияче Козлова Н. М. «Яшь эйнштейннар» балалар лабораториясендә «Тамчылар» әзерлек төркемендә тәрбияләнүчеләре белән «Бүлмә үсемлекләре – матурлык чыганагы һәм аларның файдасы” темасына танып-белү-тикшеренү эшчәнлеге буенча дәрес үткәрде. Дәреснең максаты: балаларның игътибарын яшеллекне танып – белүгә, үсемлекләрнең кеше өчен файдасы булуын күрсәтүгә, табигатькә сакчыл караш күнекмәләрен формалаштыруга нигезләнгән иде.

“Энҗе "балалар бакчасында "Яшел планетаны саклыйк"-дип аталган балаларга экологик белем бирүгә багышланган чара узды. Флешмобның идеясе: әйләнә-тирә мохит пычрану нәтиҗәсендә безнең планетада климат ничек үзгәрә? Минем планета сүзен әйткәндә син нәрсә тоясың? Бәлки космостан төшергән фотосурәтләрдә күргән матурлык өчен шатланасыңдыр? Ә бәлки җиребездә барлыкка килгән экологик бәла-казалар өчен кайгырасыңдыр? Климат үзгәрү һәм әлеге күренешнең сәбәпләре турында бүген планетаның күп кенә кешеләре сөйли. Безнең планета нинди булырга тиеш: яшел, чиста, андагы барлык тереклек иясенә дә яшәү шартлары уңаймы?

Татарстан Республикасы Зәй муниципаль районы территориясендә (координаторы - республика территориясендә «Бердәм РОССИЯ " Бөтенроссия сәяси партиясенең Татарстан төбәк бүлеге, Татарстан Республикасы буенча «Россия Пенсионерлар берлеге» иҗтимагый оешмасы идарәсе рәисе Мишина Л. Н.) "Бердәм РОССИЯ" партиясенең Татарстан төбәк бүлеге сәяси советы сәркатибе, Зәй муниципаль районы башлыгы Кәримов Разиф Гали улы Зәй районы җирле үзидарә органнары ветераннары белән очрашты.

"Үз агачыңны утырт" акциясе кысаларында «Кызыл калфак» бакчасы балалары, үзләренең тәрбиячеләре белән берлектә җырлар җырладылар, әйлән-бәйлән уйнадылар һәм куаклар утырттылар.

Табигатьне саклау, тирә-юньдәге матурлыкны булдыру һәм аннан ләззәт алу бик җиңел икән. Моңа иң кечкенә балалар һәм аларның әти - әниләре «Күкчәчәк» балалар бакчасының «Эко-уенчык»конкурсына әзерләнгәндә инандылар. Икенче кече төркем балалары һәм аларның әти-әниләре кул астындагы материаллардан уенчыклар ясадылар. Картон, шырпы, пластилин, кәгазь, тукыма кисәкләре, төрле банка һәм шешәләр өстәл уеннары, йомшак уенчыклар һәм нәфис композицияләргә әверелде. Болар барысы да балалар бакчасының әйләнә-тирә мохитын баетачак. Төркемнәрдә балаларның яраткан әсәрләре буенча демонстрацион материал барлыкка килде. «Күкчәчәк» балалар бакчасы педагоглары нәкъ менә шундый бурычны хәл итә.

 Бүген, экологик икеайлык кысаларында, зәйлеләр «Чиста булачак " экологик хәрәкәте белән берлектә территорияләрне җыештыру буенча язгы өмәгә чыктылар. Бу көнне оешма территорияләре, урамнар, парклар, скверлар һәм ишегаллары тәртипкә китерелде. Язгы генераль җыештыруның массакүләм чарасында шәһәр һәм район предприятиеләре, оешмалары һәм учреждениеләре хезмәткәрләре актив катнашты. Бүген генә дә чәршәмбе өмәсенә 1000нән артык кеше чыкты. Исегезгә төшерәбез, республикада санитар-экологик икеайлык 1 апрельдән 31 майга кадәр бара. Бу-республиканың табигать саклау ведомстволары эшенең көчәйтелгән режимы вакыты. Икеайлык йомгаклары буенча иң эко-актив халык, уку йортлары, предприятиеләр, муниципаль берәмлекләр һәм Татарстан журналистлары бүләкләнәчәк.

Россиядә Җирле үзидарә көнен бәйрәм иттеләр. Аның кысаларында бүген Зәйдә район җирле үзидарә органнары ветераннары белән очрашу узды. Алар өчен Агросәнәгать паркы буйлап экскурсия оештырылды, анда кунаклар ит һәм яшелчә эшкәртү цехларын карадылар, шулай ук алар өчен төрле пилмән дегустациясе оештырылды. Аннары чарада катнашучылар «Зәй элеваторы» ҖЧҖ булдылар. С. Рафыйков исемендәге Үзәк китапханәдә кунаклар Г. Тукайның тормышы һәм иҗатына багышланган күргәзмә белән таныштылар, капиталь ремонттан соң бинаны карадылар. Очрашу китапханәнең уку залында дәвам итте, анда җирле үзидарә органнары ветераннары өчен чәй өстәле әзерләнгән иде, бәйрәм программасы әзерләнде. Алар алдында сәламләү сүзе белән район башлыгы Р. Г. Кәримов чыгыш ясады. Очрашу җылы, ышанычлы шартларда узды, кунаклар районда башкарылган эшләр турында белделәр, районның социаль - икътисади үсешенә төрле елларда үз өлешләрен керткән элеккеге хезмәттәшләре белән аралашу мөмкинлегенә ия булдылар.

Мәктәп яны участогының роле- үсеп килүче буынны тәрбияләүдә зур әһәмият уйный. Биредә балалар ничек кенә булмасын, башлангыч сыйныфлардан башлап файдалы хезмәт күнекмәләрен алалар, күп очракта табигать белән кызыксынуларын канәгатьләндерәләр, аның серләренә тирәнрәк төшенәләр, үзләренең танып-белү һәм иҗади сәләтләрен үстерәләр. Нәкъ менә монда- мәктәп яны участогында илнең төп байлыгы булган җиргә, хезмәткә мәхәббәт салына, үсемлекләргә сакчыл караш тәрбияләнә. Мәктәп яны участогында укучылар үзләре барлык сезон эшләрен башкаралар: туфрак әзерләү, чәчү, үсентеләр утырту, агачларны агарту. Канатлы дусларыбыз турында да онытмыйлар, аларга күпләп сыерчык оялары ясыйлар.