“Игелекле боз”

2019 елның 25 апрелендә “Яшьлек” Боз сараенда Зәй муниципаль районының “Шатлык” халыкка социаль хезмәт күрсәтү үзәге белән берлектә Россия чемпионы, “Ак Барс” хоккей командасы составында Гагарин Кубогы иясе Артем Лукоянов катнашында “Игелекле боз” спорт бәйрәме оештырылды. Чарага мөмкинлекләре чикле балалар чакырылган иде. Күңелле музыка астында балалар төрле хәрәкәтчән уеннар уйнадылар, тюбингларда шудылар. “Ак Барс” хоккей клубы уенчысы Артем Лукоянов рәсеме һәм автографы белән кечкенә призлар тапшыру балалар өчен тагын бер күңелле сюрприз булды. Мондый гаиләләр көн саен мөстәкыйль рәвештә җиңеп чыгарга авыр булган кыенлыклар белән очраша, шуңа күрә әлеге чараларны үткәрү тормышка мөнәсәбәтне үзгәртергә мөмкинлек бирә. Моннан тыш, уеннарда катнашу организмны чыныктыра, чөнки физик үсеш теләсә кайсы бала өчен мөһим бит! Ә үзара аралашу балаларга уңай кәеф бүләк итә. Иң мөһиме шуны истә тотарга: диагноз -хөкем карары түгел, тулы канлы тормыш белән яшәргә кирәк.