ЯҢАЛЫКЛАР

«Татарча диктант» белем бирү акциясе быел республика телевидениесе буенча онлайн - режимда узды. Текстны республиканың танылган шәхесләре укыды. 26 сентябрь көнне диктантны өйдә язарга теләмәүчеләр өчен шәһәрдә рәсми ике мәйданчык оештырылды: 7нче мәктәптә һәм үзәк китапханәдә, диктантны шулай ук шәһәр һәм районның башка мәктәпләрендә дә яздылар. Акциядә барлыгы 4000гә якын зәйле катнашты.

Бүген Татарстан Республикасында «Яшә, урман!» урманнарны саклау һәм торгызу темасына җәмәгатьчелек игътибарын җәлеп итүгә юнәлдерелгән Бөтенроссия көзге акциясе кысаларында «Урманны саклыйк» табигатьне саклау акциясе үткәрелә. Агачлар утырту Татарстанның барлык районнарында оештырылган һәм аннан Зәй районы да читтә калмады.

Бүген «Шатлык» балалар бакчасында тәрбияләнүчеләр үзләренең яраткан тәрбиячеләре белән туган як тарихын белү өчен шәһәрнең тарихи өлешенә килделәр. Зәй туган якны өйрәнү музеенда балалар бик күп кызыклы мәгълүмат белделәр һәм «Татар халкының мәдәнияте, гореф-гадәтләре, көнкүреше» этнодәресендә катнаштылар.

Зәй районы кырларында шикәр чөгендерен җыю дәвам итә. 25 сентябрьгә татлы тамыр 5373 га мәйданда казып алынган, бу планның 59% ын тәшкил итә. 246154 тонна чимал җыелган, уртача уңыш гектарыннан 458 центнер тәшкил итә.

Бүген хакимиятнең зур залында район башкарма комитеты җитәкчесе И.Ф. Хафизов рәислегендә Зәй муниципаль районында хокук бозуларны кисәтү буенча координация советы утырышы узды.

Үсешләрендә авыр тайпылышлар булган балалар тәрбияләүче гаиләләргә комплекслы социаль ярдәм күрсәтү һәм тернәкләндерү хезмәте Үсешләрендә тайпылышлар булган балалар саны арта. Бу балаларның аң үсеше, сөйләмнәре, сенсор өлкәләре, гомуми һәм вак моторика, үз-үзләрен тоту һәм аралашу дәрәҗәләре зыян күрә дигән сүз. Бала тәрбияләүче гаилә төрле медицина проблемалары белән беррәттән психологик, педагогик проблемалар белән дә очраша.

Зәй районы муниципаль учреждениеләренең 16 хезмәткәре «Педагог-дефектолог (укытучы-логопед)» һөнәри әзерлек программасы буенча укуларын уңышлы тәмамлады.

27 нче сентябрьдән 20 нче октябрьгә кадәр 11: 37дән 12: 41кә кадәр Татарстан Республикасы территориясе өстендә күктә көзге интерференция башлана.

Татарстан Икътисад министрлыгы тарафыннан 24 августтан республика икътисадын торгызуга һәм җанландыруга юнәлдерелгән бизнеска ярдәм итүнең өстәмә чараларына старт бирелде. Бүген эшкуарларга ярдәм итү чараларын сайлап алу һәм бәяләүгә яңача якын килү формалашты, ул бизнеска килеп туган икътисади вәзгыятьтән чыгу вакытында чыгымнарны киметергә мөмкинлек бирәчәк.

Бүген район Башкарма комитеты җитәкчесенең инфраструктура үсеше буенча урынбасары Н.А. Нифатов «Зәй муниципаль районы мәгариф учреждениеләрендә хезмәтне саклау һәм куркынычсызлык техникасы»темасына киңәшмә үткәрде.