Зәйдә хокук бозуларны кисәтү буенча координация советы утырышы узды

Бүген хакимиятнең зур залында район башкарма комитеты җитәкчесе И.Ф. Хафизов рәислегендә Зәй муниципаль районында хокук бозуларны кисәтү буенча координация советы утырышы узды. Утырыш эшендә комиссия әгъзалары, җирле үзидарә органнары, структур бүлекчәләр, хокук саклау органнары, район массакүләм мәгълүмат чаралары җитәкчеләре һәм белгечләре катнашты. Утырышта түбәндәге мәсьәләләр каралды: 2020 елның 1 яртыеллыгында элек хөкем ителгән затларның җинаятьчелек торышы, алкогольле продукция әйләнеше өлкәсендәге законнарны бозу, Зәй айныткычының эше турында, социаль челтәрләрдә деструктив төркемнәрне ачыклау эше турында, районда хокук бозуларны кисәтү өлкәсендә координация советы беркетмәләренең үтәлеше һәм 2020 елның 6 аенда Татарстан Республикасында хокук бозуларны профилактикалау буенча муниципаль программаларны гамәлгә ашыруның барышы турында. Көн тәртибе буенча РФ Эчке эшләр министрлыгының Зәй районы буенча бүлеге вәкиле, айныткыч директоры, яшьләр идарәсе башлыгы һ. б. чыгышлары тыңланды. Утырышка Зәй муниципаль районында хокук бозуларны кисәтү буенча координация советы рәисе Хафизов Илнар Фәнил улы йомгак ясады.