ЯҢАЛЫКЛАР
Нәтиҗәле хезмәте өчен Ал. Бистәсе авылы әйдәп баручы китапханәчесе Ираида Константиновна Галанова һәм Сарсаз-Баграж авылы әйдәүче китапханәчесе Клара Алексеевна Фролова Татарстан Республикасы Мәдәният министрлыгының "Мәдәнияттәге уңышлары өчен" күкрәк билгесе белән бүләкләнде.
Матур, чиста шәһәр һәркемнең күңеленә хуш килә. Ә аны шул халәттә тотуга үз өлешең керсә, чисталыкка игътибар аеруча арта. Әлеге максатны күздә тотып, шәһәрдә тагын бер үзенчәлекле”Без чиста шәһәр өчен” дигән акция старт алды. Гаилә корып, яңа тормыш башларга җыенучы яшь парлар һәр атнаның сишәмбесендә ЗАГС территориясен тәртипкә китерүдә катнаша.
Халыкара балаларны яклау көне уңаеннан ат спорты мәктәбендә физик мөмкинлекләре чикле балалар өчен махсус чара үткәрелде. Анда балалар атлар турында мәгълүмат кына алмады, аларны сыйпады, ашатты, атланып йөреп карады.
Үзәк китапханәдә район-шәһәр китапханәчеләренең чираттагы киңәшмәсе узды. Анда сүз җәйге чорда мәктәп ялы лагерьларында ял итүче малай-кызлар, балалар белән төрле кызыклы чаралар үткәрү турында булды.
Хәбәр иткәнебезчә, шәһәр-район уку йортларында "Мәктәп проектлары"н гамәлгә ашыру бара. Әлеге проектлар һәрберсе үзгә һәм алар нигезендә укучыларны хезмәт белән тәрбияләү ята.
Авыл хуҗалыгында эшне чиратка сала торган түгел: чәчү тәмамланырга да өлгермәде, терлек азыгы әзерләү башланды. Чөнки күпьеллык үләннәрне витаминга бай вакытта чабып алу мөһим. Районда бу эшкә керешелде инде. Күпьеллык үләннәр 8673 гектар мәйдан били. Шуның 100 гектары чабылды. Бу эшне “Восток” һәм “Зәй” агрофирмалары алып бара.