ЯҢАЛЫКЛАР

Шәһәрнең 4 мәктәп укучысы Елизавета Скарликова Сочи шәһәрендә үткәрелгән “Талантлар салюты” иҗат төркеме оештырган “Олимпия ярларында”- дип аталган балалар иҗаты бәйгесендә җиңү яулап кайтты.

8 июльдә “Казан Арена стадионында II-нче республикакүләм ифтар мәҗлесе үткәрелде. Аңа 3 меңгә якын кеше җыелган иде. Мәҗлестә Татарстан Президенты Рөстәм Нургали улы Миңнеханов та бар иде. Ифтарда Зәй төбәгеннән: Сәгыйть хәзрәт Камалов, Фатих хәзрәт Нуруллин, Ильсур Әюпов, Руслан Фатихов, Фәнил Мохәммәтҗановлар катнаштылар.

12 июль көнне Пирау бәйрәменә күп төбәкләрдән гаиләләре, дуслары һәм тирә-күршеләре белән кунаклар җыелган иде.Кунакларны моңлы һәм дәртле җырлар, милли ризык, сый-хөрмәт белән каршы алдылар.

14 июль көнне хакимиятнең зур залында район башлыгы вазыйфаларын башкаручы Р.М. Халитов җитәкчелегендә авыл җирлеге башлыкларының Совет утырышы үтте.

Буген 12 июль көнне Зәйлеләрнең иң яраткан бәйрәмнәре “Питрау көне” булачак. Ул гадәттәгечә 15 сәгатьтә Баграж күле – Кашка тау итәге янында үтәчәк.

10 июльдә предприятие, оешмалар һәм учреждениеләрне кышкы җылы бирү сезонына әзерләү буенча штаб утырышында Зәй ГРЭС ы генераль директоры чыгышы тыңланды. Авыл мәктәпләрендә җылылык системаларына контроль басым ясаганнан соң килеп чыккан җитешсезлекләрне бетерү буенча эш нәтиҗәсе белән мәгариф идарәсе башлыгы чыгыш ясады.

10 июль көнне шәһәр мәдәният йортында клуб һәм мәктәп яны җәйге лагерына йөрүче яшүсмерләр өчен “Сәламәтлеккә – әйе”- дип исемләнгән уенлы бәйге үткәрелде.

Яшьләр идарәсе ял паркында шәһәрдә яшәүчеләр өчен гаилә, мәхаббәт һәм тугрылык көненә багышланган бәйрәм чарасы үткәрде.