ЯҢАЛЫКЛАР

21, 22 июльдә балалар йорт яны мәйданчыкларында яшьләр эшләре идарәсенә караган педагогик отрядларда тәрбияләнүчеләргә өйдә һәм урамда куркынычсызлык кагыйдәләре буенча сөйләшү үткәрелде. Олы сыйныф укучылары нәни дусларын электр приборлары белән куллану кагыйдәләрен, шәһәр шартында куркынычсызлык һәм начар гадәтләрдән саклану чараларын өйрәттеләр. Соңыннан бергә калаулы биремнәрне чиштеләр.

Балалар шәһәр мәдәният йорты үткәргән чараларда иң актив катнашучылар. Алар яңалыкны тиз отып алалар.21 июль көнне дә шулай булды. Мәдәният йорты хезмәткәрләре мәктәп һәм клуб яны лагерьларында тәрбияләнүчеләрне чакырып белем дәрәҗәсен арттыруга исәпләнгән “Иң – иң” – дип аталган викторина үткәрделәр.

18 июльдә “Сәламәтлек” Спартакиадасы кыссаларында үтүче авыл җирлекләре һәм агрофирма хезмәткәрләре командалары арасында футбол буенча район беренчелеге башланып китте. Ярышларда Аксар, Бигеш, Сәвәләй, Кадер, Чыбыклы командалары чыгыш ясаячак. Беренче уен Чыбыклы һәм Сәвәләй командалары арасында үтте. Очрашу 7 гә 1 исәбе белән Чыбыклы командасы җиңүе белән тәмамланды.

Сарсаз Баграж авылында Александр Панфилович һәм Мария Андреевна Журавлевалар гаиләсе олы хөрмәткә лаек.
Гаилә, мәхәббәт һәм тугрылык көнендә 57 ел бергә гомер иткән әлеге гаиләне “Кояшкай” мәктәп яны хезмәт һәм ял итү лагере балалары укытучы Радий Харитонов катнашында җылы котладылар.

15 июльдә “Энергетик” мәдәният сарае сәхнәсендә мәктәп яны лагерында тәрбияләнүчеләр “Без янгынны җиңәбез яки җәнлекләр урманны ничек янгыннан саклап калганнар” – дип исемләнгән спектакль карадылар.

“Кече Ватан” елында Шыкмай һәм Нәлем авылларында шушы авылларда туып үскән игелекле шәхесләребез авыл халкына бәйрәм бүләк иттеләр.
Шыкмай авылыннан физика – математика фәннәре кандидаты Заһир Исрафилов, Нәлемнән эшмәкәрләр Николай Тихонов һәм Василий Батьков башлап йөрүчеләр булдылар.

15 июльдә танылган язучы якташыбыз Сөббух ага Рафиковны искә алдылар. Искә алу яңа шәһәр бистәсенең зиратында , мәрхүмнең кабере янында булды. Мәрхүмнең якыннары, дуслары һәм китап сөючеләр аның каберенә чәчкәләр куйдылар. Имам – мөхтәсиб Сәгыйть хәзрәт Камалов көрьән чыкты. Зәй шәһәр Советы башлыгы урынбасары Марсель Хузин һәм мәрхүмнең кызы Әлфия якташыбыз турында истәлекләре белән уртаклаштылар.

Шәһәрнең 3 нче мәктәп башлангыч сыйныф укытучысы Әлфирә Исакова Сингапурда өч атналык стажировкада булып белем дәрәҗәсен күтәрде.Финалистларны сайлап алганда сингапур компаниясе аларның эшләнгән эшләренә хисабы, укыту структуралары белән мөнәсәбәт һәм укытучылар балаларда коммуникатив хезмәттәшлек итү, дәрестә алар ни дәрәҗәдә кулланылу кебек алымнар беренче планда була.

Шәһәрнең 4 мәктәп укучысы Елизавета Скарликова Сочи шәһәрендә үткәрелгән “Талантлар салюты” иҗат төркеме оештырган “Олимпия ярларында”- дип аталган балалар иҗаты бәйгесендә җиңү яулап кайтты.