ЯҢАЛЫКЛАР

Татарстан Президенты вазыйфаларын башкаручы Рөстәм Миңнеханов, “Созвездие-Йолдызлык - 2015” эстрада сәнгате ачык телевизион яшьләр фестивале җиңүчеләренә стипендияләр тапшырды. Алар арасында районыбызның атказанган мәдәният хезмәткәре Әлфия Вәлиуллина җитәкчелегендәге “ Мирас” һәм “Азаль” балалар вокал-хореография ансамбльләре дә бар.

Хөрмәтле зәйлеләр һәм районыбыз кунаклары!
Сезне чын күңелдән бөтен халык бәйрәме - Сабантуй белән котлыйм. Сабантуй - инде күп еллар дәвамында көтеп алына торган бәйрәм. Язгы кыр эшләре төгәлләнүне белдерүче бәйрәм - татар халкының иң яхшы милли традицияләре, рухи кыйммәтләре саклануга ачык мисал.

Элек-электән Сабантуйга халкыбыз басуда төп эшләрне төгәлләп, бәйрәмне күтәренке кәеф белән каршы алган. Районыбыз авыл хуҗалыгы хезмәтчәннәре милли бәйрәмебезгә нинди уңышлар белән килә, басу-кырларның торышы нинди, мул уңышка өмет бармы? Болар турында район авыл хуҗалыгы һәм азык-төлек идарәсе башлыгы Атлас Галиәхмәтов сөйли.

Кичә Зәйнең “Йолдызлык” балалар ял һәм сәламәтләндерү лагере тантаналы төстә ачылды. Анда җәйге ялга беренчеләрдән булып җыелган балаларны район башкарма комитеты җитәкчесе Разиф Кәримов тәбрикләде, ял вакытларында саклык чараларына аеруча игътибарлы булу кирәклеген искәртте.

4 июньдә Үзәк китапханә мәйданчыгында А.С. Пушкин иҗатына багышланган рәсем бәйгесе үтте. Чара алдыннан укучылар Пушкин биографиясе белән таныштылар, аның кайбер тормышта һәм иҗатында булган серләр белән уртаклаштылар

Республика экология чаралары бүгенгесе көндә Зәйдәдә үткәрелә. Волонтерлар су буйларын, ярларны чүп-чардан арындыралар. 14-15 яшьлек 30 лап укучылар максус фомалар белән, перчатка, пакетлар белән су буйларын чистарттылар. Тиз арада 10 пакет чүп-чар белән шыплап тулды.

Район кырларында уҗымнарны пестицид, гербицид һәм фунгицидлар белән эшкәртү дәвам итә. Бүгенгесе көнгә корткочларга каршы 14000 гектар, авыруларга каршы 21800 гектар, чүп-үләннәргә каршы 26500 гектар уҗым җире эшкәртелгән.

Зәй –күренекле якташларга бай төбәк. Шуларның берсе – композитор- музыкант, Сөббух Рәфыйков исемендәге бүләк иясе, Татарстанның атказанган мәдәният хезмәткәре Геннадий Максимов. Якташ башкалабыз Казанда зурлап 60 яшьлек юбилее билгеләп узган иде, аның дәвамы кичә Сармашбаш клубында дәвам итте.

Кичә Чыбыклы авыл җирлеге халкы өчен көтеп алынган зур вакыйга булды. Авыл уртасында, ике ай эчендә заманча модульле фельдшер-акушерлык пункты калкып чыкты. Бу - районда барлык уңайлыклары булган бишенче беренчел медицина ярдәме күрсәтү бинасы. Ул 2012-2016 елларга кабул ителгән максатчан республика программасы нигезендә төзелде.

Имәнлебаш авылы мәдәният йортыннан “Энҗекәй”, Сәвәләйдән “Сәвәләй” керәшен фольклор коллективлары “Түгәрәк уен” республика татар фольклор фестивалендә катнаштылар. Имәнлебашлылар “Сепарат аерту”, сәвәләйлеләр исә “Боламык” бәйрәмен күрсәтеп, лауреат исеме алдылар.