ЯҢАЛЫКЛАР

Һәр уку елы мәгариф хезмәткәрләренең үткән елга нәтиҗә ясап, яңасына бурычлар кую, белем бирү дәрәҗәсен күтәрү юнәлешендә максатлар билгеләү уңаеннан традицион август киңәшмәсе белән башланып китә. Бүген шәһәребезнең “Энергетик” Мәдәният сараенда август киңәшмәсенең пленар утырышы узды.

Зәйнең “Энергетик” Мәдәният сарае каршындагы мәйданда Россия Эчке эшләр министрлыгы Зәй районы бүлеге шәхси составының җәмәгать тәртибен саклау буенча хезмәткә гарнизон разводы үтте. Анда шәхси сак хезмәтләре, халык дружинасы, “Форпост” студентлар отряды да катнашты.

Кичә Зәй районы Урта Баграж авылында Татарстанның халык язучысы Аяз Гыйләҗевның әти-әнисе яшәгән йортка мемориаль такта кую тантанасы үтте. Аңа язучының тормыш иптәше Нәкыя ханым, уллары Искәндәр һәм Мансур Гыйләҗевлар, туганнары, оныклары, республиканың төрле шәһәр, районнарыннан татар әдәбиятын сөючеләр килгән иде.

22 август көнне Казан шәһәрендә Татарстанның иң көчле көрәшчеләре арасында “Батырлар бәйгесе” булып үтте. Анда Зәйдән 2015 ел Сабан туе батыры Радик Сәлахов катнашты һәм үз үлчәме буенча икенче урынны алды.

Зәй районнының “Нива” ҖЧШ басуында “Ростсельмаш” компаниясе бөртеклеләрне суктыру һәм терлек азыгы әзерләү техникасын презентацияләде. Аңа республиканың 20 районы вәкилләре, шулай ук эре холдинглар – “Ак барс”, “Сөт иле”, “Красный Восток”, “АгроКөч-Төркем” һ.б. чакырылды.

«Энергетик» мәдәният сарае каршындагы мәйданда “Таттелеком” АҖнең Зәй бүлеге үзенчәлекле чара оештырды. Анда балаларга Әлмәттән килгән аниматорлар кызыклы уеннар үткәрсә, үзебезнең районның телефон элемтәсе хезмәткәрләре балалары җыр, шигырьләр белән шәһәрдәшләребез игътибарын җәлеп итте.

Авыл җирлекләрендә гомуми җыелышлар дәвам итә. Аның чираттагысы бүген Чыбыклы авылы җирлегендә үтте. Анда депутатлар һәм гражданнар беренче яртыеллыкта эшләнгән эшләргә йомгак ясадылар һәм киләчәккә планнар кордылар.

Бүгенгесе көнгә районыбыз басу-кырларында урып-җыю эшләре дәвам итә. Бөртекле культураларның 83,2 проценты җыеп алынган инде: 33300 гетарда игеннәр суктырылган, 89577 тонна икмәк җыеп алынган. Уңыш һәр гектардан 26, 9 центнер тәшкил итә.

23-26 августта Ульяновск шәһәрендә милли олимпия төре булмаган спорт уеннары буенча Бөтенроссия фестивале үтә. Татарстан командасы составында көрәшчеләр Зәйдән Кәримов Динар Миннешамилович һәм Ахмәтшин Айнур Ансарович катнашалар.

Бүген 21 августа “Зәй шикәре” ААҖ те хезмәткәрләре агымдагы сезонда шикәр кайнату эшенә кереште. Кагат кырына кайткан татлы тамырны иң беренчеләрдән булып шикәр кайнату заводы җитештерү линияләренә генераль директор Шамил Мингазов