Басу-кырлардан хәбәрләр

Басу- кырлардан хәбәрләр
Бүгенгесе көнгә районыбыз басу-кырларында урып-җыю эшләре дәвам итә. Бөртекле культураларның 83,2 проценты җыеп алынган инде: 33300 гетарда игеннәр суктырылган, 89577 тонна икмәк җыеп алынган. Уңыш һәр гектардан 26, 9 центнер тәшкил итә. Икмәк кабул итү пунктларына 61,7 мең тонна ашлык тапшырылган. Урып – җыю эшләрендә “Зәй” агрофирмасы хезмәтчәннәре өлгерлек күрсәтә. Алар 86 процентта игеннәрне җыеп алганнар инде, уңыш та һәр гектардан 30,2 центнер тәшкил итә.
Аерым хуҗалыклар буенча, “Зәй” агрофирмасының “Ялкын” бүлекчәсе алда бара. Аларның уңышы һәр гектардан 35,5 центнер тәшкил итә.
Комбайнерлар арасында да икенче этапта җиңүчеләр билгеле булды. Иң югары күрсәткеч “Зәй” агрофирмасының “Шепкә-нур” бүлекчәсе комбайнеры Митрофанов Андрей Михайловичта. Ул 2247 тонна икмәк суктырып алган. Ул Республика комбайнчылары арасында да беренче урында. Икенче урын- Исаичев Дмитрий Викторовичта. Ул “Зәй” агрофирмасы кырларыннан 2048 тонна икмәк суктырып алган, Өченче- шулай ук “Зәй” агрофирмасы механизаторы Сафин Айнур Айратовичта. Ул 1814 тонна икмәк суктырган.
Районыбыз кырларында терлек азыгы әзерләү шулай ук дәвам итә. Бүгенгесе көнгә 12 мең тонна печән әзерләнгән, аның 4700 тоннасы шәхси хуҗалыкларда. 81 мең 200 тонна сенаж салынган. Гомумән алганда районыбыз басуларыннан һәр терлек башына 20,9 центнер азык әзерләнгән.