ЯҢАЛЫКЛАР

Әлмәт шәһәре картиналар галереясендә безнең художник Сергей Цыганов һәм скульптор Равиль Әхатов иҗат күргәзмәсе ачылды.

7 сентябрь көнне Мирный бистәсе шәһәр мәдәният йортында “Көз байлыгы” дип исемләнгән күргәзмә үткәрделәр. Балалар мәдәният йорты хезмәткәрләре белән көзге яшелчә һәм җимешләрдән төрле вак-төякләр ясадылар. Зурлар ясаган теземнәр һәм күргәзмәләр үзенең матурлыгы белән күз яуын алырлык булдылар.

5 сентябрь көнне Р.Ш. Фәрдиев исемендәге ял паркында яшьүсмерләр һәм балалар спорт мәктәпләрендә алып барыла торган спорт төрләре буенча күргәзмә булды. Анда спорт мәктәпләренең спорт өлкәсендә ирешкән уңышлар турында да белешергә була иде. Анда тәрбияләнүчеләрнең күрсәтмә чыгышлары булды.

“Зәй” агрофирмасының “Алга” бүлекчәсе – районда иң күп чөгендер игүче хуҗалыклардан. Алай гына да түгел, быел чөгендер алуда алдынгылар рәтендәге хуҗалыкларның берсе ул. Биредә чөгендер мәйданы 600 гектарга якын, аның 100 гектары алынды инде, уңыш гектарыннан уртача 450-460 центнер чыга, урыны белән 470кә дә җитә. Әлеге хуҗалык заводка 4500 тонна чөгендер тапшырган инде.

5 сентябрь көнне Т. Ялчыгол скверында Парклар һәм скверлар көненә багышланган әдәби ярминкә үтте. Аны үзәк китапханә хезмәткәрләре үткәрде. Ярминкәдә җирле язучылар, шагырьләр һәм тыңлаучылар катнашты.

5 сентябрь көнне Яшьләр паркында скверлар һәм парклар көненә багышланган “Бал киңлеге” дип исемләнгән бәйрәм үтте. Үзләренең бал уңышы белән аерылып торучыларны диплом һәм истәлекле призлар белән бүләкләделәр. Бүләкләрне тапшыруда район башкарма комитеты җитәкчесе Рәзиф Кәримов та катнашты.

5 сентябрьдә Р.Ш. Фәрдиев исемендәге ял паркында Скверлар һәм парклар көненә багышланган гаиләләр спорт бәйрәме булды.

22 - 30 августта Санкт-Петербургта «Агрорусь-2015» халыкара агросәнәгать күргәзмә - ярминкәсе узды. Анда катнашучылар үз продукцияләрен, проектларын, шулай ук конкурс эшләрен куйдылар. Конкурс җиңүчеләре җиде номинациядә бүләкләнд

19-27 августта Зәйнең “Мирас” һәм “Азаль” вокал (җитәкчесе Әлфия Вәлиуллина), «Улыбка» ( Лидия Нестягина) һәм «Магия» (Марина Петленко) хореографик төркемнәре “Алтын Мәйдан Кырым-2015” Халыкара фестивалендә катнашып I дәрәҗә дипломнар, Кырым республикасының Черноморск районы башлыгы С. Володконың исеменнән Рәхмәт хатлары белән бүләкләнде.

Районда бөртекле культураларны җыеп алу төгәлләнде. Барлыгы 39200 гектар бөртеклеләрдән 105830 тонна уңыш җыеп алынган. Уңыш һәр гектардан 27 центнер тәшкил итә. Барлык мәйданның 97,9 процентында игеннәр җыеп алынган.