ЯҢАЛЫКЛАР

Зәй балалар иҗат йорты укучыларның буш вакытын файдалы итеп үткәрүдә төп учреждение булып тора. Соңгы елларда биредә өстәмә белем бирүне күп баскычлы итеп оештыру буенча зур үзгәрешләр булды. Учреждениенең белем бирү программасы банкы даими яңартылып тора. Хәзерге вакытта балалар иҗат йортында алты төп юнәлеш буенча 164 программа гамәлгә ашырыла.

28 – 30 августта, Казан шәһәрендә билбау көрәше буенча Республика чемпионаты үтте. Регина Салихова һәм Екатерина Бусова 76 кг. үлчәүдә беренче урынны алдылар.

Казанда 5-6 сентябрьдә «Парк һәм скверлар көннәре» фестивале узачак. Бу башлангычны зәйлеләр дә хуплап алды. Шәһәребезнең «Яшьлек» боз сарае янындагы, Ринат Фәрдиев исемендәге ял паркларында, Ялчыгол скверында күпсанлы чаралар үтәчәк.

3 сентябрьдә барлык җәмәгатьчелек террорга каршы теләктәшлек көнен билгеләп үтте. Әлеге дата 2005 елның 6 июльдәге Федераль законы нигезендә гамәлгә керә.

3 сентябрь көнне шәһәребезнең 5 мәктәбендә “Без террорга каршы” – дип исемләнгән тематик кичә үтте. Анда 6,7 сыйныф укучылары катнашты.

«Түгэрэк уен» журналының бер санында Зәй районы Түбән Биш, Куш-Елга һәм Бигеш авыллары халкының элек нинди йола-гадәтләре. эш кораллары булу, көнкүрешләре турында язма урын алды. Ул төсле фотосурәтләр белән мавыктыргыч итеп бирелгән.

2 сентябрь көнне “Энергетик” мәдәният йортында ачык ишекләр көне узды. Чара мәдәният сараен балалар бакчасы нәниләре белән таныштырудан башланып китте, аннан мәктәп балалары һәм зурлар мәдәният сараенда эшләп килүче түгәрәкләр һәм һәвәскәр берләшмәләр эше белән таныштылар.

Районыбыз кырларында шикәр чөгендерен җыеп алу кызу темплар белән дәвам итә. Бүгенгесе көнгә 8404 гектар татлы тамырның 1008 гектары җыеп алынган. Бу барлык мәйданның 12 процентын тәшкил итә. 35 мең тонна чөгендер алынган.

3 сентябрьдә бөтен дөньяда террорга каршы теләктәшлек көне үтә. Шул уңайдан 2 сентябрьдә “Энергетик” мәдәният йорты мәйданында әлеге явызлыкка каршы теләктәшлек йөзеннән акция үтте. Анда тематик композиция , интер актив һәм плакат рәсеме төшерү кебек чаралар үтте

“Зәй” балалар һәм яшьүсмерләр спорт мәктәбендә укучылар өчен “Хуш җәй, исәнме спорт уку елы” – дигән спорт бәйрәме үтте. Балалар 6 төрле эстафетада көч сынаштылар.