ЯҢАЛЫКЛАР

«Экстремизмга – юк!» айлыгы кысаларында «Шатлык» социаль хезмәтләр күрсәтү үзәгендә “Елмаю” клубында “Башка” ул “Чит” түгел” дип аталган чара үтте.
Чара барышында балаларга толерантлык төшенчәсе турында аңлатма бирелде, аның әхлакый сыйфатлар тәрбияләүдә мөһимлеге ассызыкланды.

Мирный бистәсенең яңа паркында “Рябинка” балалар бакчасында тәрбияләнүчеләр өчен “Без тынычлык өчен-террорга каршы” – дигән уен программасы үткәрелде. Ул “Экстремизмга –ЮК” – дигән айлык кыссаларында үтә.

Зәй районында чөгендер алу тулы куәткә бара. Авыл хуҗалыгы һәм азык-төлек идарәсеннән алынган мәгълүматлар буенча, чөгендер 2520 гектарда алынып, 97020 тонна татлы тамыр җыелды. Бу - барлык мәйданның 30 проценты.

“Президент белән бергә” иҗтимагый хәрәкәте башлангычы белән 7-14 сентябрьдә үткәрелә торган “Көзге изге эшләр атнасы-изге эшләр эстафетасы” Игелекле Татарстан акциясе дәвам итә.

Узган ялларда Зәйнең “Энергия” стадионында Өлкәннәр көне уңаеннан район һәм ГРЭС ветераннары арасында футбол буенча ярышлар узды. Киеренке төстә барган ярышлар 2:1 исәбе белән ГРЭС командасы файдасына тәмамланды. Уенда катнашучыларны спорт идарәсе башлыгы Илфат Әшрәпов котлап, бүләкләр тапшырды.

Зәй үзәкләштерелгән китапханәсендә көзге муллык – яшелчә- җимеш, гөмбәләрдән ничек итеп тозлыклар ясарга өйрәтелгән китаплар, газета материалларыннан “Көзге муллык табында” дип исемләнгән күргәзмә эшли

Иске Зәйнең мәдәният йортында әйләнә-тирәне саклау игелек акциясе үтте. Ул “Район мәдәният йорты-безнең йорт” дип аталды. Акция кыссаларында «Юнити» бию студиясе волонтерлары мини паркны чүп-чардан арындырдылар.

Шәһәр мәдәният йортының бию залында игелекле акция үтте. Ул “Татар биюенең тарихы” – дип атала. Бию коллективы җитәкчесе Анастасия Трофимова балаларга татар киемнәренең үзенчәлеге, алардагы бизәкләрнең, бизәнү әйберләренең матурлыгы, чигеп ясалган рәсемнәрнең милли үзенчәлеге барысы турында да Анастасия җентекләп аңлатты.

Алабугада ат спорты буенча Кама аръягы нефтьчеләре кубогына ачык республика ярышлары узды. Анда Зәйдән Екатерина Герасимова балалар арасында Профессор кушаматлы ат белән финишка икенче булып килде.

Ике сугыш, ачлык һәм сәяси золым кебек тарихи вакыйгалар шаһите Софья әби Ермакова бүген 101 яшен тутырды. Бала кайгылары күрсә дә, ул әле бирешми, күңеле көр, үзен яхшы хис итә.